3 قاراشادا چەمپيوندار ليگاسىنىڭ توپتىق كەزەڭى اياسىندا ەلوردالىق «استانا» كلۋبى ءوز الاڭىندا يسپاندىق «اتلەتيكو مادريد» قۇراماسىن قابىلدايدى. بۇل تۋرالى «قامشى» پورتالى Baq.kz-كە سىلتەمە جاساپ حابارلايدى.

ەلوردالىق فۋتبولشىلاردى قولداۋ ءۇشىن 20 مىڭنان اسا جانكۇيەر جينالماق. ويتكەنى 29 قازانداعى جاعداي بويىنشا ticketon.kz سايتى ارقىلى 20 مىڭعا جۋىق بيلەت ساتىپ الىنعان. ال، 30 قازاننان باستاپ بيلەتتەردى قالانىڭ بارلىق كاسسالارىنان ساتىپ الۋعا بولادى. فۋتبول جانكۇيەرلەرى «استانا» ويىنشىلارىنا قولداۋ كورسەتۋ ءۇشىن ەرەكشە اكسيا ۇيىمداستىرۋدا. بارلىق ستاديون ءان ورىندايدى، كەز-كەلگەن ادام ءاندى supportastana.kz سايتىندا داۋىس بەرۋ ارقىلى تاڭداي الادى. سونداي-اق، بايقاۋدا ۇزدىك ايقايلاۋشى سايىسى ۇيىمداستىرىلادى. بايقاۋعا ءوتىنىش 1 قاراشا، ساعات 22:00 دەيىن قابىلدانادى. ناتيجەسى 2 قاراشا كۇنى بەلگىلى بولادى.

كورەرمەندەر مەن جانكۇيەرلەر ستاديوندا «استانا» فۋتبول كلۋبىنىڭ اتريبۋتتارى مەن جانكۇيەرلەرىنە ارنالعان پايدالى زاتتاردى الا الادى. سونىمەن قاتار ستاديونعا № 10، 12، 27، 4، 43، 51، 55 قوعامدىق كولىكتەر ارقىلى جەتۋگە بولادى. ەستەرىڭىزگە سالا كەتەيىك، اتالعان ويىن «استانا ارەنا» ستاديونىندا ساعات 21:00-دە باستالادى.