سينوپتيكتەر الداعى دەمالىس كۇندەرىنە ارنالعان اۋا رايى بولجامىن جاريالادى. بۇل تۋرالى «قامشى» tengrinews.kz-كە سىلتەمە جاساپ حابارلايدى.

سينوپتيكتەردىڭ مالىمەتىنشە، 31 قازان مەن 2 قاراشا ارالىعىندا اۋا رايى جاۋىن-شاشىندى، تۇماندى، جەلدى بولادى. سونداي-اق ەلىمىزدىڭ ءبىرقاتار وبلىستارىندا كوكتايعاق بولۋى مۇمكىن.

– رەسپۋبليكانىڭ وڭتۇستىك جانە وڭتۇستىك-شىعىسىنداعى كەي اۋدانداردا جاڭبىر جاۋادى. انتيسيكلونعا بايلانىستى اۋا تەمپەراتۋراسى تومەندەيدى دەپ كۇتىلىپ وتىر: تۇندە رەسپۋبليكانىڭ باتىس، سولتۇستىك جانە ورتالىعىندا 5-10، كەي جەرلەردە 13 گرادۋس، كۇندىز 0-8 گرادۋس سۋىق بولادى، – دەپ حابارلادى سينوپتيكتەر.

ايتا كەتەيىك، قالعان اۋماقتا تۇندە 0-5، كەي جەرلەردە 10 گرادۋس سۋىق بولادى، كۇندىز  0-5 گرادۋس جىلى، شىعىستا 0-5 گرادۋس سۋىق بولادى.