ەستەرىڭىزدە بولار، بۇدان ءبىر اي شاماسى بۇرىن، ءبىزدىڭ پارلامەنت كوپ قاتىن الۋدى زاڭداستىرۋ تۋرالى ءسوز قوزعاعان. ولار جىل سايىن وسى اڭگىمەنى ءبىر قوزعاپ قويادى.  بەلگىلى دەپۋتاتتاردىڭ ءبىرى ولاردى قولداپ: «مەنىڭ ءۇش ايەلىم بار، ۇشەۋى دە ءبىر-بىرىن بىلەدى. مەن  قازاقتى كوبەيتۋگە ات سالىسىپ ءجۇرمىن» دەپ ماقتاندى.

ال، ەندى وسى "توقالسىراپ" جۇرگەن پارلامەنتتەگىلەر مەن ەۋرازيالىق وداقتىڭ العاشقى شارالارىن ايەلدەردىڭ ىشقىرىن ساتۋدى تيۋدان باستالىپتى. «...ساپانى سىلتاۋراتقان رەسەي سورەلەرىندە تۇرعان وزگە ەلدەردە وندىرىلگەن ارزان تاۋارلاردى تىقسىرۋعا كوشتى. بۇل جولى كەزەك ايەلدەردىڭ ىشكيىمىنە كەلىپتى…«كەدەندىك وداققا»، الدا قۇرىلاتىن «ەۋرازيالىق وداققا»  مۇشە ەلدەر شەڭبەرىندە ايەلدەردىڭ جيەگى كەستەلەنگەن شىلتەرلى ىشكيىمدەردى وندىرۋگە، اكەلۋگە جانە ساتۋعا تىيىم سالىنباق...» (www.saigez.kz).

جۋان جۇدىرىق ماسكەۋ ايتسا، «ءلاپباي، تاقسىر!» دەپ باس شۇلعۋعا دايىن تۇراتىن "ءبىزدىڭ جاق" ايەلدەرىمىزدى ىشكيىمسىز قالدىرماق.

كەشەگى  وتكەن  نارازىلىق  شاراسىنىڭ دا  باستى  نىسانى - وسى  شىلتەرى  ءىش كيىمدەر بولدى. جۋرناليست ۆالەريا يبرايەۆا، جاننا بايتەلوۆا، ەۆگەنيا پلاحينا سىندى  كەلىنشەكتەر "ديەۆالۆاسيانىڭ كەسىرىنەن ەدى  لىپاسىز  قالاتىن  بولدىق"  دەپ  دابىل قاقتى. نارازىلىق سوڭىندا  ۇشەۋىنە دە «ۇساق بۇزاقىلىق» جاساعانى ءۇشىن 10 ايلىق ەسەپتىك كورسەتكىش (18520 تەڭگە، نەمەسە شامامەنە 100 اقش دوللارى) كولەمىندە ايىپپۇل سالۋ تۋرالى شەشىم شىعاردى.

ۇلتتىق تەڭگە قولدان قۇنسىزدانىپ، حالىقتىڭ تەڭ جارىمىنان استامى كەدەيشىلىك قامىتىن كيگەنى ازداي، ەندى ۇلكەن-كىشى، ەركەك-ايەل جالاڭبۇت قالىپ، ابىرويلارىن قولدارىمەن جاۋىپ جۇرەتىن بولادى.

ەسىڭ جي، قازاق!

جۇماش كوكبورى،