الماتىدا جەكە اۆتوپارككە تيەسىلى جولاۋشى تاسىمالدايتىن اۆتوبۋستا جاڭادان ەنگىزىلگەن «وڭاي» جول ءجۇرۋ تەرمينالىنىڭ قاساقانا سىندىرىلعاندىعى انىقتالدى. بۇل تۋرالى «قامشى» پورتالى «الماتى ق. كولىك حولدينگى» جشس-ى باسپا ءسوز قىزمەتىنە سىلتەمە جاساپ حابارلايدى.

وقيعا «كيىكباي» جشس-عا تيەسىلى №13ء-شى باعىتتا جۇرەتىن اۆتوبۋستىڭ سالونىندا 1ء-شى قاراشا كۇنى بولعان. وسىعان بايلانىستى «كولىك كارتاسى» ج ش س قىزمەتكەرلەرى اكت تولتىرىپ، وعان «CVB24 master جۇيەسى مەحانيكالىق سيپاتتا بۇلىنگەن، ال LCD ديسپلەي سىنىدىرىلعان. قوندىرعى ەندى ىسكە جارامسىز»، - ەكەندىگى جازىلدى.

«ەلەكتروندى بيلەت جۇيەسىنىڭ جۇمىسىنا قاجەتتى جابدىقتىڭ ساقتالۋىنا تاسىمالداۋشىلار جاۋاپ بەرەدى. وسى ماقساتتا ماتەريالدىق جاۋاپكەرشىلىك جونىندەگى كەلىسىمشارتقا قوسا، قابىلداۋ-تاپسىرۋ اكتىسى تولتىرىلعان. ءقازىر وقيعانىڭ سەبەپتەرى انىقتالىپ جاتىر»،  - دەدى «قازاقپارات» تىلشىسىنە بەرگەن تۇسىنىكتەمەسىندە «الماتى ق. كولىك حولدينگى» ج ش س قىزمەتكەرى ەلميرا كيرگەيەۆا.

ايتا كەتەلىك، CVB24 master، ياعني «وڭاي» تەرمينالىنىڭ باعاسى - 232 873،49 تەڭگە، ال مونتاجداۋ باعاسى  - 51 544،13 تەڭگە تۇرادى.

ايتا كەتكەن ءجون، بۇگىنگى تاڭدا الماتى قالاسىنىڭ بۇكىل جەرۇستى قوعامدىق كولىكتەرى ەلەكتروندى بيلەت بەرۋ جۇيەسىمەن جاساقتالعان.