قازاقستاندىق اكتريسالار قارلىعاش مۇحامەدجانوۆا مەن بيبىگۇل ءسۇيىنشالينا تۇڭعىش پرەزيدەنت تۋرالى جاڭا فيلمدە نۇرسۇلتان نازاربايەۆتىڭ قىزدارىنىڭ ءرولىن سومدايتىن بولدى. بۇل تۋرالى «قامشى» پورتالى Tengrinews.kz-كە سىلتەمە جاساپ حابارلايدى.
اتالعان اقپاراتتى جاس اكتريسا بيبىگۇل ءسۇيىنشالينا Instagram جەلىسىندەگى پاراقشاسىندا جاريا ەتتى. الەۋمەتتىك جەلىدە ول "جۇلدىزدار وسىلاي جانعان ەدى" فيلمىنە كوستيۋم تاڭداۋ كەزىندە كەرەمەت @karlygashmuhamedzhanova-نى كەزدەستىردىم. ول مەنىڭ اپكەم داريعا نازاربايەۆا بولىپ رول وينايدى، ال مەن دينارانىڭ. ايتپاقشى، ەكەۋمىز دە وپا-دالاپسىز تۇرمىز"، - دەپ جازدى ءسۇيىنشالينا.
ەسكە سالايىق، پرەزيدەنت تۋرالى ءفيلمنىڭ بەسىنشى ءبولىمىن رەسەيلىك رەجيسسەر سەرگەي سنەجكين ءتۇسىرىپ جاتىر. ال نۇرسۇلتان نازاربايەۆتىڭ رولىندە بەسىنشى بولىمدە بەرىك ايتجانوۆ وينايدى، الدىڭعى بولىمدەرىندە پرەزيدەنت بولىپ نۇرلان ءالىمجان ويناعان بولاتىن.
