ەلىمىزدەگى ەكى ءىرى ۇيالى بايلانىس وپەراتورلارى بىرىگەتىن بولدى. بۇل تۋرالى «قامشى» پورتالى حابارلايدى.
«قازاقتەلەكوم» اق-ى مەن Tele 2 توبى وزدەرىنىڭ ەنشىلەس ۇيالى وپەراتورلارى «التەل» اق-ى مەن «موبايل تەلەكوم-سەرۆيس» جشس-نى بىرىكتىرۋ تۋرالى كەلىسىمگە قول جەتكىزدى. بىرىككەن وپەراتور بولاشاقتا ەكى كومپانيانىڭ دا نارىقتاعى پوزيسياسىن نىعايتىپ، كليەنتتەرىنە جاڭا مۇمكىندىكتەر اشپاقشى.
كەلىسىم «قازاقتەلەكوم» اق-ى مەن Tele 2 بىرىككەن وپەراتوردىڭ اكيونەرلىك كاپيتالىنىڭ سايكەسىنشە 51 جانە 49 پايىزىنا يەلىك ەتۋىمەن اياقتالدى. قوس تاراپ تا بۇل بىرىگۋدىڭ پايدالى تۇستارى كوپ ەكەنىن ايتۋدا. ءتيىستى مەملەكەتتىك ورگانداردا تىركەۋدەن وتكەن ساتتەن باستاپ بىرىگۋ تۋرالى كەلىسىم كۇشىنە ەنەدى.
