وڭتۇستىك سۋداننىڭ استاناسى دجۋبادا رەسەيدىڭ جۇك تاسيتىن ۇشاعى اپاتقا ۇشىرادى، - دەپ حابارلايدى «قامشى» پورتالى ربك-عا سىلتەمە جاساپ.
جەرگىلىكتى اقپارات قۇرالدارىنىڭ حابارلاۋىنشا، ۇشاق بورتىندا 12 ادام بولعان. اپاتتان سوڭ ولاردىڭ ەكەۋى امان قالعان. ۇشاق اۋەجايدان كوتەرىلگەن سوڭ كوپ ۇزاماي قۇلاعان. كۋاگەرلەر ۇشاق سىنىقتارى ءنىل وزەنىنىڭ جاعالاۋىندا شاشىلىپ جاتقانىن حابارلاعان. كەيبىر اقپارات قۇرالدارى ۇشاق قۇلاعان ايماقتا قىرىق شاقتى ادامنىڭ مۇردەسى جاتقانىن جاريا ەتكەن. ءقازىر بۇل اقپارات ناقتىلانۋ ۇستىندە. ۇشاقتىڭ قۇلاعانىن وڭتۇستىك سۋدان باسشىلىعى راستاپ وتىر. بيلىك وكىلدەرى قۇلاعان ۇشاقتىڭ رەسەيگە تيەسىلى ان-12 اۋە كولىگى ەكەنىن حابارلاعان.
