تايۆاندىق سۋرەتشى لين شي-پاو 25 مىڭ ەسكى ءموبيلدى تەلەفونداردان Formula 1 كولىگىن قۇراستىرىپ شىققان، - دەپ حابارلايدى «قامشى» پورتالى BBC-گە سىلتەمە جاساپ.
ول قوقىستارعا تاستالعان ەسكى تەلەفونداردى جيناۋ ءۇشىن 4 جىل بويى الەمدى ارالاعان. ناتيجەسىندە جيناقتالعان ءموبيلدى تەلەفونداردى كولىك مودەلىنىڭ قاڭقاسىنا جاپسىرعان. جوباسىن جۇزەگە اسىرۋ ءۇشىن شي-پاو 30 مىڭ دوللار جۇمساعان.
"مەنىڭ ماقساتىم - الەمدەگى ەكولوگيالىق جاعدايدى جاقسارتۋ. مەن ادامدارعا قوقىسقا تاستالاتىن زاتتاردىڭ ونەر تۋىندىسىنا اينالدىرۋعا بولاتىنىن كورسەتكىم كەلدى. ونداي قالدىقتاردى قاجەتكە جاراتقان دۇرىس"، - دەيدى سۋرەتشى.
