اقتوبەدە قالانىڭ ەسكى اۋدانىنداعى جەكەمەنشىك ۇيلەردىڭ ءبىرىن تەكسەرۋ بارىسىندا زاڭسىز جۇمىس ىستەپ جاتقان ەۆانگەل حريستيان باپتيستەرى ءدىني بىرلەستىگى انىقتالدى، دەپ حابارلايدى قازاقپارات
وبلىستىق پروكۋراتۋرانىڭ باسپا ءسوز قىزمەتى حابارلاعانداي، اتالمىش بىرلەستىك مەملەكەتتىك تىركەۋدەن وتپەگەن. ءتارتىپ ساقشىلارى بارعان كەزدە، ۇيدە بالا-شاعالارىمەن 70-كە جۋىق ادام بولعان. پوليسەيلەر 43 ءدىني كىتاپ تاۋىپ، ولارعا ءدىني ساراپتاما تاعايىندالدى. سونداي-اق ءۇيدىڭ ءبىر بولىگى ءدىني راسىمدەر مەن جورعالعىلار وتكىزۋگە ارنالىپ جابدىقتالعان.
قازىرگى ۋاقىتتا اتالعان فاكتى بويىنشا قوسىمشا تەكسەرۋ جۇرگىزىلۋدە. تىركەلمەگەن ءدىني بىرلەستىككە باسشىلىق ەتىپ، وعان قاتىسقانى ءۇشىن كىنالى تۇلعالاردى اكىمشىلىك قۇقىقبۇزۋشىلىق تۋرالى كودەكستىڭ 374-بابى بويىنشا اكىمشىلىك جاۋاپكەرشىلىككە تارتۋ ماسەلەسى قارالۋدا. باپتا 100 اەك-كە دەيىن اكىمشىلىك ايىپپۇل سالۋ كوزدەلگەن.
پىكىر قالدىرۋ