فرانسيا – قازاق ەلىنىڭ تاۋەلسىزدىگىن العاشقىلاردىڭ قاتارىندا مويىنداعان ەل. «قامشى» پورتالى قازاقستان مەن فرانسيا قارىم-قاتىناسىنىڭ باستى-باستى دەگەن 10 دەرەگىن اقوردا باسپا ءسوز قىزمەتىنىڭ فەيسبۋكتەگى اككاۋنتىنا سىلتەمە جاساي وتىرىپ جاريالايدى.

1. فرانسيا قازاقستاننىڭ مەملەكەتتىك ەگەمەندىگىن 1992 جىلدىڭ 7 قاڭتارىندا مويىندادى؛

2. قازاقستان پرەزيدەنتى فرانسياعا 10 رەت بارعان، ونىڭ بۇل ەلگە سوڭعى ساپارى 2012 جىلى وتكەن؛

3. نۇرسۇلتان نازاربايەۆ پەن فرانسۋا وللاندتىڭ الداعى كەزدەسۋى سوڭعى 3،5 جىلدا ەسەپ بويىنشا بەسىنشى بولماق؛

4. فرانسيا قازاقستاننىڭ ساۋدا ارىپتەستەرىنىڭ تىزىمىندە 5ء-شى ورىن الىپ وتىر؛

5. قازاقستاندا فرانسۋز كاپيتالىنىڭ قاتىسۋىمەن «توتال»، «دانون»، «پەجو»، «الستوم» جانە ت.ب. ءىرى كاسىپورىندار تابىستى جۇمىس ىستەپ وتىر؛

6.  2013 جىلدىڭ مامىرىندا پاريجدە ەۋروپالىق قازاقتاردىڭ كىشىقۇرىلتايى بولىپ ءوتتى؛

7. 2014 جىلدىڭ سوڭىندا الماتىدا الەمدە ەكىنشى جانە ورتالىق ازيادا بىردەن-بىر بولىپ تابىلاتىن فرانسيالىق «سوربوننا» ۋنيۆەرسيتەتىنىڭ فيليالى اشىلدى؛

8. 2015 جىلدىڭ 29 ناۋرىزىنان باستاپ «ەير استانا» ىسكە اسىراتىن استانا-پاريج باعدارى بويىنشا تىكەلەي اۋە قاتىناسى اشىلدى؛

9. فرانسيا پرەزيدەنتى شارل دە گولل 1966 جىلدىڭ ماۋسىمىندا «بايقوڭىر» عارىش ايلاعىنا بارعان ءبىرىنشى شەتەلدىك كوشباسشى بولدى؛

10. قازاقتىڭ تانىمال ءانشىسى ءا.قاشاۋبايەۆ پاريجدەگى «ەكسپو-1925» كورمەسىنىڭ اياسىندا وتكەن 2ء-شى ەتنوگرافيالىق كونسەرتتە قازاقستاننىڭ شەتەلگە بارعان ءبىرىنشى ءانشىسى بولدى.

ەسكە سالا كەتەيىك، قازاقستان رەسپۋبليكاسى پرەزيدەنتىنىڭ فرانسياعا رەسمي ساپارى 4-6 قاراشا كۇندەرى وتەدى.