ەكونوميكالىق قىلمىسقا جانە سىبايلاس جەمقورىققا قارسى كۇرەس اگەنتتىگى (قارجى پوليسياسى) ءبىلىم جانە عىلىم مينيسترلىگىندە جاڭا ۇرلاۋ فاكتىلەرىن انىقتادى، دەپ حابارلايدى Tengrinews.kz ءتىلشىسى. وتكەن جىلى شىعىس-قازاقستان، الماتى وبلىستارى مەن جانە الماتى قالاسىندا بالالار-جاستار قوزعالىسىن دامىتۋعا بولىنگەن 33 ملن. تەڭگەنى ۇرلاۋ فاكتىسى بويىنشا ءبىلىم جانە عىلىم مينيسترلىگىنىڭ لاۋازىمدى تۇلعالارىنا قاتىستى قىلمىستىق ءىس قوزعالعان بولاتىن. ەندى، ءدال وسى ىسپەتتى قىلمىستار باسقا ايماقتاردا دا انىقتالىپ وتىر. "2014 جىلى قاڭتاردىڭ 23-27ء-سى كۇندەرى ءبىلىم جانە عىلىم مينيسترلىگىنىڭ لاۋازىمدى تۇلعالارىنا قاتىستى تاعى ءۇش قىلمىستىق ءىس قوزعالدى. 2012 جىلى اقتوبە، اتىراۋ، تالدىقورعان جانە شىمكەنت قالالارىندا بالالار-جاستار قوزعالىسىن دامىتۋعا بولىنگەن 26 ملن.تەڭگەگە جۋىق بيۋدجەت قاراجاتى قولدى بولعان. وسىلايشا، اتالعان قىلمىستاردىڭ سالدارىنان ءبىلىم جانە عىلىم مينيسترلىگىنە 59 ملن. تەڭگە كولەمىندە زالال كەلدى"، - دەلىنگەن قارجى پوليسياسىنىڭ رەسمي مالىمدەمەسىندە. Tengrinews.kz