بيۋدجەتتەن بولىنگەن ميللياردتار ناۋقاستارعا جەتەر ەمەس. ونىڭ ۇستىنە  شالاساۋاتتى اق حالاتتىلار دۇرىس دياگنوز قويا الماي، سالدارىنان شيپا ىزدەپ كەلگەن سىرقاتتار ءولىپ كەتىپ نەمەسە مۇگەدەك اتانىپ جاتىر. بۇگىن ماجىلىسكە ەسەپ بەرۋگە كەلگەن ەلىمىزدىڭ باس دارىگەرى دەپۋتاتتاردىڭ وسىنداي قاتال سىنىنا ۇشىرادى. كۇتپەگەن جەردەن كۇشكە مىنگەن حالىق قالاۋلىلارى جۇرتقا پايداسى جوق مينيسترلىكتى جابۋ كەرەك دەدى.

دەپۋتاتتارباستاپقىداساليدات قايىربەكوۆانى جىلى شىرايمەن قارسى الدى. مىنە، مينيستر ءماجىلىستىڭ كىرە بەرىسىنە كورمەسىن جايىپ تاستاپ، جەتىستىكتەرىن قىزمەتكەرلەرىمەن جارىسا تانىستىرىپ ءجۇر. تومەنگى پالاتاعا جىلدىق ەسەبىن بەرۋگە كەلگەن ۆەدومستۆا باسشىسى ءارى قاراي سانداردى  سويلەتتى.

ساليدات قايىربەكوۆا، ق ر دەنساۋلىق ساقتاۋ ءمينيسترى:

-ەلىمىزدە بىلتىر ءولىم كورسەتكىشى 4،8، ال انا ءولىمى 6،7، نارەستەلەردىڭ شەتىنەۋى  – 17 پايىزعا ازايدى. 2030 جىلى ەۋروپالىق كورسەتكىشپەن تەڭەسەمىز. مۇنىڭ بارىنە العاشقى مەديسينالىق كومەكتىڭ ساپاسىن جاقسارتۋ ارقىلى جەتىپ وتىرمىز.

شىندىعىندا ءمينيستردىڭ بايانداماسىنداعىداي جۇرتتىڭ دەنساۋلىعى  جاپپاي جاقسارىپ كەتپەپتى. بىلتىر قايىربەكوۆا حانىمنىڭ قاراماعىنداعى 500 دارىگەر دياگنوز قويا الماي، قانشاما ادامنىڭ كوز جاسىنا قالعانى ءۇشىن جاۋاپقا تارتىلعان. جانسەرىك يسا سونداي دارىگەرلەردىڭ قۇربانى. استانالىق  اق حالاتتىلار ءىشى اۋىرىپ الدارىنا كەلگەن جىگىتتىڭ اششى ىشەگىنە وپەراسيا جاساعان. ءبىراق وتادان كەيىن ناۋقاستىڭ كوزى كورمەي قالدى.

ارداق مىرزانوۆا، ناۋقاستىڭ اناسى:

-ەشقانداي تەكسەرۋسىز، اناليز الماستان «اپپەنديسيت» دەپ دياگنوز قويىپ، وپەراسيا جاساعان. ءبىراق ءۇشىنشى كۇنى بالام رەانيماسياعا ءتۇستى. قايتا وپەراسيا جاسادى.

مۇنداي تاعدىرلار مىڭداپ سانالادى. مەديسينا قىزمەتكەرلەرىنىڭ ساۋاتسىزدىعىنانمۇگەدەك بولىپ قالىپ جاتىر. بيۋدجەتتەن بۇل سالاعا ميللياردتاپ تەڭگە بولىنسە دە، سىرتقاتقا ساپالى قىزمەت كورسەتە الماي-اق قويدى. دارىگەر بىلىكسىز، سوسىن بىتپەيتىن رەفورما. ءتىپتى مينيسترلىك ايماقتارداعى احۋالدى باقىلاۋسىز قالدىرىپ، جەرگىلىكتى اكىمدىكتەرگە سەنىپ العان. وسىنداي جاۋاپسىزدىقتى دەپۋتاتتار قاتال سىنعا الدى.

داريعا نازاربايەۆا، ءماجىلىس دەپۋتاتى:

-مينيسترلىكتىڭ كەز-كەلگەن سۇراققا جالعىز جاۋابى بار. دارى-دارمەككە «سك-فارماسيا» كومپانياسى، مەديسينالىق قۇرال-جابدىقپەن قامتۋعا «كازمەدتەح» اق، ال قالعان ماسەلەگە جەرگىلىكتى اكىمدىك «جاۋاپ بەرەدى» دەپ بەكىتىپ قويعان. ءسويتىپ جاۋاپكەرشىلىكتەن قاشىپ وتىر. ەندەشە مۇنداي مينيسترلىكتى جاۋىپ تاستايىق.

مۇنى ەستىگەن ساليدات حانىمنىڭ مازاسى قاشتى. داۋسى دىرىلدەپ، كەيبىر سۇراقتارعا جازباشا «جاۋاپ بەرەمىن» دەپ ساستى. ءتىپتى ماجىلىسمەندەردىڭ اراسىندا مينيسترگە جانى اشىپ، ورنىنا وتىرۋىن سۇراعاندار دا بولدى.

قۇرمەتتى ارىپتەستەر، مۇمكىن ساليدات جاكەن قىزى ورنىندا وتىرىپ جاۋاپ بەرسىن.

– جوق، قاجەت ەمەس.

-جالپى، دەنساۋلىق ساقتاۋ مينيسترلىگى قازىنادان قارجى ەڭ كوپ بولىنەتىن ۆەدومستۆا. بيىلعى بيۋدجەتى 862 ميلليارد تەڭگە ەكەن. ءبىراق، بۇل سالاعا كەتكەن شىعىننىڭ قايتارىمى بولماي تۇر. جۇرت ءالى كۇنگە دەيىن تەگىن دارى-دارمەككە جارىماعان، اۋىلدىق جەردەگىلەر اۋرۋحاناعا جەتە الماي جىلاپ ءجۇر. ال دەپۋتاتتاردىڭ قاتال سىنىنا ۇشىراعان ەلىمىزدىڭ باس دارىگەرى بولسا ولقىلىقتى «تۇزەيمىن» دەپ تاعى ۋادە بەرىپ كەتتى.

كتك ارناسى