پرەزيدەنت نۇرسۇلتان نازاربايەۆ كەزەكتى حالىققا جولداۋىن جاريالاۋ كەزىندە ءبىرىڭعاي جيناقتاۋشى زەينەتاقى قورىن باسقارۋعا وزگەرىس ەنىزۋدى تاپسىردى - دەپ حابارلايدى «قامشى» پورتالى.
"ۇلتتىق بانكتىڭ يندۋستريالدىق كەمشىلىكتەرىن جويۋ كەرەك. ءبىرىڭعاي جيناقتاۋشى زەينەتاقى قورىن، پروبلەمالىق نەسيەلەر بانكىن جانە قارجى ينستيتۋتتارىن ونىڭ باقىلاۋىنان الۋىمىز كەرەك. بانك ءوز ىسىمەن اينالىسسىن"، - دەدى نۇرسۇلتان نازاربايەۆ.
بۇل شەشىمى تۋرالى ايتا وتىرىپ پرەزيدەنت 2016 جىلى قازاقستاندىقتىردىڭ زەينەتاقى اكتيۆتەرىن قازاقستاندىق جەكەمەنشىك نەمەسە شەتەلدىك كومپانياعا بەرۋ كەرەكتىگىنە توقتالدى. "زەينەتاقى جيناعىنىڭ ءوسىمىن ۇلعايتۋ ماقساتىندا زەينەتاقى قاراجاتىن ينۆەستيسيالاۋدىڭ ءتاسىلىن قاراستىرۋىمىز كەرەك. زەينەتاقى قورىن ۇلتتىق بانكتى باسقارعانداي باسقارماۋىمىز كەرەك. زەينەتاقى جيناعى قاراجاتىن جەكە كاسىپكەرلىكتى دامىتۋعا جۇمساۋدى دوعارۋ قاجەت. بۇل اقشالار تەك بيۋدجەت قاراجاتى تاپشى بولعان كەزدە پايدالانىلادى. ال كاسىپكەرلىككە حالىقارالىق قارجى ينستيتۋتتارى بەرەتىن قاراجات جەتكىلىكتى"، - دەدى مەملەكەت باسشىسى.
