پروكۋرورلار تاياۋ شىعىس ەلدەرىندەگى شيەلەنىس ايماعىندا جۇرگەن قازاقستاندىقتىڭ تۋىسىنا ونى قارجىلاندىرماۋ جونىندە الدىن الا ساقتاندىرۋ بەردى دەپ حابارلايدىTengrinews.kz الماتى وبلىسى پروكۋراتۋراسىنىڭ باسپا ءسوز قىزمەتىنە سىلتەمە جاساپ. "قاراتال اۋدانى پروكۋراتۋراسى تۋىستارى مەن سەرىكتەرى تاراپىنان تەرروريستىك نەمەسە ەكسترەميستىك قىزمەتكە قارجىلاي قولداۋ كورسەتۋ جانە تەرروريزمگە نەمەسە ەكسترەميزمگە باسقا دا دەم بەرۋشىلىك جاساۋ دەرەگىن بولدىرماۋ ءۇشىن ق ر "پروكۋراتۋرا تۋرالى" زاڭىنىڭ 25-1-بابى تارتىبىندە قاراتال اۋدانىنىڭ ا. دەگەن تۇرعىنىنا جازباشا الدىن الا ساقتاندىرۋ بەردى"، - دەلىنگەن وبلىس پروكۋراتۋراسى باسپا ءسوز قىزمەتىنىڭ حابارلاماسىندا. پروكۋرورلاردىڭ مالىمەتىنە قاراعاندا، بۇل ازاماتتىڭ نەمەرە اعاسى تاياۋ شىعىستىڭ شيەلەنىس بولىپ جاتقان ايماعىندا ءجۇر. وعان ءوز تۋىسىن عانا ەمەس، ءداستۇرلى ەمەس، ەكسترەميستىك باعىتتاعى ءدىني اعىمداردىڭ باسقا دا وكىلدەرىنە قارجىلاي كومەكتەسۋگە ق ر قىلمىستىق كودەكستىڭ 233-3-بابى، ياعني "تەرروريستىك نەمەسە ەكسترەميستىك قىزمەتتى قارجىلاندىرۋ جانە تەرروريزمگە نەمەسە ەكسترەميزمگە باسقا دا دەم بەرۋشىلىك جاساۋ" بابى بويىنشا قىلمىستىق جاۋاپكەرشىلىك قاراستىرىلاتىنى ەسكەرتىلدى. ايتا كەتەيىك، بۇعان دەيىن قاراعاندى جانە اتىراۋ وبلىسىنىڭ قارجى پوليسياسى تەرروريزمدى قارجىلاندىردى دەگەن كۇدىكپەن ءتورت ازاماتقا قاتىستى قىلمىستىق ءىس قوزعاعان بولاتىن. قاراعاندىلىق ءۇش ازامات شەتەلدەگى لاڭكەستەرگە 2012-2013 جىلدارى 600 مىڭ تەڭگەدەن استام قاراجات اۋدارسا، اتىراۋ تۇرعىنى حالىقارالىق تەررورلىق ۇيىم ەسەپشوتىنا 2 مىڭ دوللار سالعان.