قازاقستاندا 1991-2015 جىلدار ارالىعىندا 99 نۇرسۇلتان نازاربايەۆ دۇنيەگە كەلگەن، - دەپ حابارلايدى «قامشى» پورتالى Tengrinews.kz – كە سىلتەمە جاساپ.

ق ر ستاتيستيكا كوميتەتىنىڭ مالىمەتىنشە، الماتى وبلىسىندا 20 نۇرسۇلتان نازاربايەۆ تىركەلگەن، ال وڭتۇستىك قازاقستان وبلىسىندا - 19، ماڭعىستاۋ وبلىسىندا - 17.

ءبىر قىزىعى، استانادا 1991-2015 جىلدار ارالىعىندا تۋىلعانداردىڭ اراسىندا پرەزيدەنتتىڭ اتتاستارى جوق بولىپ شىقتى.

سول 99 نازاربايەۆتىڭ 48-ندە ەسىم - نۇرسۇلتان، 47 - نۋرسۋلتان، ۇشەۋىندە نۇرسۋلتان جانە بىرەۋىندە نۋرسۇلتان دەپ جازىلعان.

1991 جىلدان بەرى قازاقستاندا 37 077 نۇرسۇلتان تۋىلعان. وڭتۇستىك قازاقستان وبلىسى كوش باستاپ تۇر. بۇل وڭىردە 9979 بالاعا پرەزيدەنتتىڭ اتى بەرىلگەن. الماتىدا 1514 نۇرسۇلتان تۇرسا، استانادا - 2064.

2015 جىلدىڭ وزىندە بۇل ەسىم 940 بالاعا بەرىلىپتى. مۇندا دا وقو كوش باسىندا، 255 ۇل بالانىڭ ەسىمى - نۇرسۇلتان. ەكىنشى ورىندا الماتى وبلىسى، مۇندا 123 نۇرسۇلتان دۇنيەگە ەسىگىن اشقان. جامبىل وبلىسىندا 89 بالاعا وسى ەسىم قويىلدى، بۇل ءوڭىر ءۇشىنشى ورىندا.

جانە ءبىر قىزىعى نۇرسۇلتان نازاربايەۆتاردىڭ 51ء-ى تۇڭعىش پرەزيدەنت كۇنى – ياعني، 1 جەلتوقساندا دۇنيەگە كەلگەن.ى