فرانسيا قۇراماسىنىڭ ەكس-كاپيتانى، اتاقتى فۋتبولشى زينەدين زيداننىڭ ۇلى لۋكا اكە جولىن قۋىپ، ءومىرىن فۋتبولمەن بايلانىستىرعانى بەلگىلى. ال، تاياۋدا "رەال" مەن "اتلەتيكونىڭ" 17 جاستان جوعارى ويىنشىلارى اراسىندا وتكەن ماچى كەزىندە ول قارسىلاسىن باسپەن قويىپ قالعان، - دەپ حابارلايدى «قامشى» پورتالى 24.kz ارناسىنا سىلتەمە جاساپ.
كەزدەسۋ بارىسىندا "رەالدىڭ" قاقپاشىسى لۋكا زيدان "اتلەتيكونىڭ" شابۋىلشىسىمەن سوزگە كەلىپ قالعان. ونىڭ قارسىلاستى باسپەن ۇرۋ ءساتى بەينەكامەراعا تۇسپەگەن. ءبىراق، مۇنى بايقاعان قىراعى سۋديا كىشى زيدانعا قىزىل قاعاز كورسەتتى.
ەسكە سالا كەتەيىك، 2006جىلعى الەم چەمپيوناتىنىڭ فينالىندا لۋكانىڭ اكەسى دە وسىنداي سوققىسىمەن كوزگە تۇسكەن ەدى. ول كەزدەسۋدەگى قوسىمشا بەرىلگەن ۋاقىتتا يتاليا قۇراماسىنىڭ قورعاۋشىسى ماركو ماتەراسسيمەن كيكىلجىڭگە كەلىپ، ونى كەۋدەسىنەن باسپەن ۇرىپ قۇلاتتى. اقىرى سول ماچتا زيدان قىزىل قاعاز الىپ، ويىننان شەتتەتىلدى. زينەدين زيدان 2014 جىلدان باستاپ، "رەالدىڭ" رەزەرۆ كومانداسىنىڭ جاتتىقتىرۋشىسى قىزمەتىن اتقارادى.
پىكىر قالدىرۋ