قاراشانىڭ 27ء-سى كۇنى الماتى قالاسى وكج-نىڭ №4 كىتاپحاناسىنىڭ قىزمەتكەرلەرى مەن №128 ورتا مەكتەبىنىڭ اكىمشىلىگى ۇيىمداسا وتىرىپ، ساپارعالي ىسقاق ۇلىنىڭ تۋعانىنا 120 جىل تولۋىنا بايلانىستى 5-6 سىنىپ وقۋشىلارىنا «بالا جانىنىڭ باعبانى» اتتى ادەبي ساعات وتكىزدى. وقۋشىلارعا جازۋشىنىڭ ونەگەلى ءومىر جولىنان ۇلگى الۋعا شاقىرۋ،شىعارمالارىن ناسيحاتتاۋ، ءسوز ونەرىن قاستەرلەي بىلۋگە ۇيرەتۋ ماقساتىندا وتكىزىلگەن بۇل ادەبيەت ساعات بارىسىندا ساپارعالي بەگالين جايلى كوپتەگەن مالىمەتتەر ايتىلدى.

قازاق بالالار ادەبيەتىنىڭ اتاسى، اقىن، جازۋشى، اۋدارماشى، تاريحشى، ەتنوگراف، دراماتۋرگ، جالپى ايتقاندا، سان قىرلى تۇلعانىڭ ەرەكشە بولمىسى، وسكەن، ءبىلىم العان ورتاسى، ارتىنا قالدىرعان قازىنالى مول مۇراسى، ءومىر جولى جايىندا «بالا جانىنىڭ باعبانى» اتتى ۆيدەوپرەزەنتاسيا كورسەتىلدى.

ادەبيەت – ءومىر مەكتەبى. كوركەم شىعارمالاردى وقي وتىرىپ، ءبىز جاقسى قاسيەتتەردى بويىمىزعا سىڭىرە وتىرا، جاماندىقتان جيرەنۋدى ۇيرەنەمىز. بالالار كلاسسيگىنىڭ قاي تۋىندىسىن الساق تا، تەرەڭ تاعىلىم تەڭىزى بولىپ تابىلارى حاق. «سىمباتتى سيما»، «ءساتجان»، «كوكسەگەننىڭ كورگەندەرى»، «ۇرىنشاق بالا»، «ەسەننىڭ كىرپىگى»، «الدانعان جولبارىس»، «جاس بۇتاق»، «بالا شوقان»، «مەكتەپ باعىندا» سىندى تۋىندىلارىنىڭ مازمۇنىنا توقتالا وتىرىپ، شىعارما كەيىپكەرلەرىنىڭ مىنەزدەرىنە تالداۋ جاسالىپ، وقۋشىلاردىڭ پىكىرى تىڭدالىندى.ءوز كەزەگىندە وقۋشىلار اقىن ولەڭدەرىن تەبىرەنە وقىپ، وزدەرى وقىعان شىعارمالارى جايىندا وي ءبولىستى. قانشا ۋاقىت وتسە دە، جازۋشى شىعارمالارى تاربيەلىكماڭىزىن ەش جويماق ەمەس. وسىلاي ءبىز وقۋشىلاردى جاقسى مەن جاماندى سارالاي بىلۋگە، ۇلگىلى، ءتارتىپتى، قايىرىمدى دا قامقور بولۋعا باعدار بەردىك.

وقۋشىلار كورنەكتى قالامگەردىڭ ءومىرى مەن شىعارماشىلىعى جايلى ۆيكتورينالىق سۇراقتارعا جاۋاپ بەرىپ، ءبىلىم سىنىنا ءتۇستى. ەرەكشە قابىلەتىمەن كوزگە تۇسكەن وقۋشىلارعا ارنايى سىيلىقتار بەرىلدى.

ساپارعالي بەگالين ءبىر ەستەلىگىندە:«ەكى ۇلكەن يمپەريانىڭ ورتاسىندا وسىپ-ونگەن دانىشپان حالقىمىزدىڭ باسىنان نە وتپەدى دەيسىڭ. ءوزىنىڭ كەڭ بايتاق جەرىن نايزانىڭ ۇشىمەن، بىلەكتىڭ كۇشىمەن قورعاي بىلگەن حالقىمنىڭ الدىندا باسىمدى يەمىن» - دەپ تولعانعان ەدى.ادەبيەتىمىزدىڭ زاڭعار تۇلعاسى قازاعىمەن ماڭگى بىرگە جاساماق.

ايگەرىم حامەتوۆا