بيىل كوكتەمدە ورتەنىپ كەتكەن «ادەم» ساۋدا ورتالىعىنداعى بۋتيكتەردى جالعا الۋشىلار ساۋدا ءۇيىنىڭ بۇرىنعى باسشىسى ءىز-تۇسسىز جوعالىپ كەتكەنىن ايتۋدا. بۇل تۋرالى ورتتەن زارداپ شەككەندەردىڭ وكىلى، زاڭگەر ۆاسيليي رەزۆان مالىمدەدى.

«شۇعىل جاڭالىق – ەربول تىمبايەۆ («ادەم» ءسۇ بۇرىنعى باسشىسى – رەد.)جوعالىپ كەتتى. ءبىز دابىل قاعۋدامىز. ونىڭ جوعالعاندىعى تۋرالى 2015 جىلعى 14 قاراشادا شىعارىلعان قاۋلى بار. ءقازىر ديرەكتور مىندەتىن اتقارۋشى بولىپ زويا زاماششيكوۆا تاعايىندالعان. ول باسشىسىنىڭ قايدا كەتكەنىن بىلمەيتىنىن ايتۋدا»، - دەيدى زاڭگەر.

ۆ. رەزۆاننىڭ ايتۋىنشا، ز. زاماششيكوۆا 11 قىركۇيەكتەن بەرى ورتالىقتا ارەنداتورلاردان اقشا جيناپ جۇرگەنىمەن، ونى كىمگە بەرۋ كەرەكتىگىن بىلمەيتىن كورىنەدى.

«ءبىز ادىلەت باسقارماسى ارقىلى تەكسەردىك. زاماششيكوۆا جارعى بويىنشا وسى لاۋازىمعا تاعايىندالعان جانە ول جالداۋ اقىسىن جيناۋعا جاۋاپتى. ءبىز ونى جينالعان اقشانى ورتتەن زارداپ شەككەندەرگە بەرۋدى تالاپ ەتۋدەمىز» دەيدى زاڭگەر.

«ادەم» ساۋدا ورتالىعىندا اعىمداعى جىلدىڭ 26 ساۋىرىندە ءورت بولىپ، 25 مىڭ شارشى مەتر اۋماق ورتەنىپ، ءتىلسىز جاۋ 1600 ساۋدا ورنىن تاۋارلارىمەن بىرگە جالماپ كەتكەن بولاتىن. ماماندار ءورتتىڭ نەگىزگى سەبەبى قاۋىپسىزدىك تەحنيكاسىنىڭ ساقتالماۋى دەگەن قورىتىندى شىعارعان ەدى.