پرەزيدەنت ن. نازاربايەۆ ۇلتتىق بانك ءتوراعاسى دانيار اقىشيەۆتى قابىلدادى، - دەپ حابارلايدى «قامشى» پورتالى اقوردا سايتىنا سىلتەمە جاساپ.
د.اقىشيەۆ كەزدەسۋ بارىسىندا قازاقستان پرەزيدەنتىنە قارجى نارىعىنداعى تۇراقتىلىقتى قامتاماسىز ەتۋ جانە ۇلتتىق ۆاليۋتانىڭ كۇرت اۋىتقۋىنا جول بەرمەۋ ءۇشىن قابىلدانىپ جاتقان شارالار جونىندە، سونداي-اق اينالىمعا نومينالى 20 مىڭ تەڭگەلىك اقشانىڭ ەنگىزىلگەنى تۋرالى باياندادى.
سونىمەن قاتار ۇلتتىق بانك ءتوراعاسى مەملەكەت باسشىسىنىڭ قازاقستان حالقىنا جولداۋىندا ايتىلعان، سونىڭ ىشىندە قارجى ينستيتۋتتارىن باسقارۋ، ينفلياسيا دەڭگەيىن تومەندەتۋ، ءتيىمدى اقپاراتتىق ءتۇسىندىرۋ جۇمىستارىن جۇرگىزۋ ماسەلەلەرىنە قاتىستى تاپسىرمالاردى ورىنداۋ جۇمىستارى باستالعانىن ايتتى.
