بۇگىن 5571 اسكەري ءبولىمى بازاسىندا قازاقسان رەسپۋبليكاسى  ۇلتتىق ۇلانى «وڭتۇستىك» وڭىرلىك قولباسشىلىعىنا قاراستى اسكەري بولىمدەر اراسىندا «ۇزدىك باتالون كومانديرى»، «ۇزدىك باتالون كومانديرىنىڭ ورىنباسارى»، «ۇزدىك باتالوننىڭ شتاب باستىعى» اتتى بايقاۋدىڭ ءىى كەزەڭى باستالدى، - دەپ حابارلايدى «قامشى» پورتالى رەسپۋبليكاسى  ۇلتتىق ۇلان «وڭتۇستىك» وڭىرلىك قولباسشىلىعى باسپا ءسوز قىزمەتىنە سىلتەمە جاساپ.

اتالمىش شارا ۇلتتىق ۇلان وفيسەرلەرىنىڭ اسكەري-جاۋىنگەرلىك دايارلىعىن كوتەرۋ ءۇشىن، سونداي-اق، باتالون بۋىنىنداعى ساردارلاردىڭ كاسىبي بىلىكتىلىكتەرىن جوعارىلاتۋ، تاجىريبەلىك بىلىمدەرىن  ارتتىرۋ، ولاردى قىزمەتتىك تاپسىرمالاردى ورىنداۋعا جىگەرلەندىرۋ ماقساتىندا ۇستىمىزدەگى جىلدىڭ 3-4 جەلتوقسانى ارالىعىندا وتەدى.  اتاپ وتەرلىگى سايىسقا قاتىسۋشى ۇمىتكەرلەر العاشقى اينالىمنىڭ جەڭىمپازدارى جانە ولار جامبىل، الماتى، قىزىلوردا، وڭتۇستىك قازاقستان وبلىستارىنىڭ ۇكىلى ۇمىتتەرىن ارقالاپ كەلىپ وتىر. ولار  مەملەكەتتىك-قۇقىقتىق دايىندىق، قىزمەتتىك-جاۋىنگەرلىك قولدانۋ تاكتيكاسى، ق ر قك باسقا دا اسكەرلەرى مەن اسكەري قۇرامالارىنىڭ جالپى اسكەري جارعىسىن بىلۋدەن ب ا ق سىناسادى. سونداي-اق، سايىسقا قاتىسۋشىلار دەنە دايىندىعى ياعني، 100 مەترگە جۇگىرۋ، بەلتەمىردە تارتىلۋ، 3000 مەتر قاشىقتىققا جۇگىرۋ سىندى نورماتيۆتەردەن سىناق تاپسىرادى. بۇعان قوسا، ولاردى اتىس دايىندىعىنان سىناقتار كۇتىپ تۇر. باعدارلاما بويىنشا ماكاروۆ تاپانشاسىنان №1 اتىس جاتتىعۋدان ءوتۋ سايىستىڭ نەگىزگى تالاپتارى.

ەكى كۇنگە سوزىلاتىن اتالمىش كەزەڭنىڭ جەڭىمپازدارى استانا قالاسىندا جوسپارلانعان اقتىق سايىسقا قاتىسۋعا مۇمكىندىك الادى.