تانىمال جۋرناليست ايگۇل مۇكەي "استانا ەكسپو-2017" كومپانياسىنان جۇمىستان شىعىپ كەتتى، - دەپ حابارلايدى «قامشى» پورتالى Tengrinews.kz –كە سىلتەمە جاساپ. ونىڭ ايتۋىنشا، ەندى ول تانىمال جۋرنالداردىڭ بىرىندە باس رەداكتور بولىپ جۇمىس ىستەيدى. 

2014 جىلى ول "استانا ەكسپو-2017" كومپانياسىنىڭ باسپا ءسوز قىزمەتىنە جۇمىسقا تۇرعان بولاتىن، ال تاياۋدا ماركەتينگ دەپارتامەنتىنىڭ ديرەكتورىنىڭ ورىنباسارى بولىپ تاعايىندالعان. "مەن كومپانيادان ءوز قالاۋىممەن كەتتىم. ارىز جازدىم، بۇگىننەن باستاپ مەن "استانا ەكسپو-2017" كومپانياسىندا جۇمىس ىستەمەيمىن. بۇل ءىرى جوبا، كورمە ءۇشىن ءبارىمىز الاڭداپ، قولداۋ بىلدىرەمىز. كومپانيا ۇلكەن (...) جۇمىستان كەتۋىمە ايتارلىقتاي سەبەپ بولمادى، ءبىراق مەن شارشادىم، جۇمىس اۋىستىرۋدى شەشتىم"، - دەدى مۇكەي. 

ايگۇل مۇكەي - قازاقستاننىڭ تانىمال تەلەجۇرگىزۋشىلەرىنىڭ ءبىرى. ءتۇرلى قىزمەتتەردە، ونىڭ ىشىندە باق-تاردى باسقاردى. بىرنەشە رەت ەڭ سۇلۋ قازاقستاندىقتاردىڭ ۇزدىك وندىعىنا كىرگەن. «ەلارنا» تەلەارناسىن باسقارعان ول بالا كۇتىمىنە بايلانىستى دەمالىستان شىققان سوڭ، بىلتىر «استانا ەكسپو-2017» ۇلتتىق كومپانياسىنىڭ باسپا ءسوز قىزمەتىنە جۇمىسقا ورنالاسقان ەدى.