بۇگىن رف باسشىسى ۆلاديمير پۋتين ءداستۇرلى جولداۋىن جاسادى. فەدەرالدى جينالىس سيرياداعى وپەراسيادا قايتىس بولعان اسكەري قىزمەتشىلەردى ءبىر مينۋتتىق ەسكە الۋمەن باستالدى، - دەپ حابارلايدى «قامشى» پورتالى.
«بۇگىن ۇلكەن كرەمل سارايىنىڭ گەورگيي زالىندا، ورىس اسكەري داڭقىنىڭ تاريحي زالىندا قارۋلى كۇشتەردىڭ وكىلدەرى، سيرياداعى لاڭكەستىككە قارسى وپەراسيالارعا قاتىسۋشىلار وتىر. لاڭكەتىكپەن كۇرەستە جۇبايلارىنان ايرىلعان يرينا پەشكوۆا مەن يرينا پوزىنىچ تە بىزبەن بىرگە. سىزدەرگە جانە باتىرلارىمىزدىڭ اتا-انالارىنا مىڭ تاعزىم» دەدى ۆ. پۋتين ءوز سوزىندە.
رەسەي پرەزيدەنتى جولداۋىندا دامۋ كورسەتكىشتەرى مەن ءبىلىم بەرۋ، دەنساۋلىق ساقتاۋ، اۋىلشارۋاشىلىعى، ەكونوميكالىق دامۋ، كاپيتالعا امنيستيا جاريالاۋ، لاڭكەستىكپەن كۇرەس سىدى ءبىرقاتار ماسەلەلەردى ايتتى. تۇركيامەن اراداعى كيكىلجىڭ دە نازاردان تىس قالمادى.
«كەز كەلگەن ماسەلە، سۇراق، قايشىلىقتار باسقا دا جولدارمەن شەشىلەدى. ءبىز تۇركيامەن بارلىق ماسەلەلەر بويىنشا ارىپتەستىككە ءازىر ەدىك. ولاردىڭ مۇنداي ارەكەتكە نەگە بارعانىن ءبىر اللا عانا بىلەتىن شىعار» دەدي ۆ. پۋتين تۇركياعا قاراتا.
