ناميبيانىڭ ۆيندحۋك قالاسىندا يۋنەسكو-نىڭ ۇكىمەتارالىق كوميتەتىنىڭ ماتەريالدىق ەمەس مادەني مۇرالاردى قورعاۋ ماسەلەسىنە ارنالعان وتىرىسى وتۋدە، - دەپ حابارلايدى «قامشى» مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.

ايتىس ەرەكشە سۋىرىپ سالما ونەرى رەتىندە قازاقستان مەن قىرعىزستان اتىنان تىزىمگە ەنگىزىلدى. بۇل سۋىرىپ سالما اقىندىق ونەرى بار ەكى ادامنىڭ اراسىندا بولاتىن جارىس، ولەڭ وقىلادى نەمەسە قازاقتىڭ دومبىراسى سىندى ۇلتتىق مۋزىكالىق اسپاپتىڭ سۇيەمەلدەۋىمەن شىرقالادى. تاقىرىپتى تىڭدارماندار تاڭدايدى، ال مۋزىكالىق ونەرىن، ىرعاقتى سەزىنۋىن، ەرەكشەلىگى مەن ۇشقىر ويىن جەتكىزە بىلگەن قاتىسۋشى جەڭىسكە جەتەدى.

"ايتىس - جالپى مادەنيەتتىڭ قۇرامداسى جانە قازاقستان مەن قىرعىزستاننىڭ كوپۇلتتى قوعامىنىڭ تەڭدىگىنىڭ بەلگىسى. جارىس جەرگىلىكتى نەمەسە جالپى ۇلتتىق مەرەكە كەزدەرىندە ۇيىمداستىرىلادى، تاقىرىپتارىندا كوبىنەسە الەۋمەتتىك ماڭىزدى ماسەلەلەر قوزعالادى. الدىڭعى بۋىن بۇل ءداستۇردى جاستارعا قالدىرادى"، - دەلىنگەن يۋنەسكو اقپاراتىندا.

ەسكە سالا كەتەيىك، وتكەن جىلى يۋنەسكو قازاقتىڭ كۇيى مەن كيىز ءۇيىن ادامزاتتىڭ مادەني مۇراسى قاتارىنا قوسقان بولاتىن.

ماتەريالدىق ەمەس مادەني مۇرانى قورعاۋ كوميتەتىنىڭ شەشىمىمەن ادامزاتتىڭ مادەني مۇراسى قاتارىنا 15 جاڭا ەلەمەنت قوسىلدى.

ايتىستان وزگە بۇل تىزىمگە مىنالار كىردى: كحدر-دىڭ كيمچي ازىرلەۋ ءداستۇرى؛ تينوس ارالىندا (گرەكيا) ءمارمار تاس وڭدەۋ؛ باليدەگى "(يندونەزيا) ۇلتتىق بيلەردىڭ ءۇش جانرى؛ فيچەە-چامبالااللا، سيدامو حالقىنىڭ (ەفيوپيا) جاڭا جىلدى تويلاۋى؛ "وشيتۋتحي شوماگونگو"، مارۋلا تۇقىمىنىڭ مەرەكەسى (ناميبيا)؛ كولكا اڭعارىنىڭ (پەرۋ) "ۆيتيتي" ءبيى؛ رۋمىنيا جىگىتتەرىنىڭ ءبيى؛ الاردا النايديا، ساۋد ارابياسىنىڭ داعىرادا ويناپ، ءان ايتىپ، بيلەۋى؛ سلوۆاكيا ۆولىنكادا ويناۋ مادەنيەتى.

سونىمەن قاتار، بۇل تىزىمگە تۇركمەندەردىڭ "كەروعلى" داستانى كىردى. باا-دەن بىردەن بىرنەشە ەلەمەنت ماتەريالدىق ەمەس مادەني مۇرا ءتىزىمىن تولىقتىردى: اراب كوفەسى - قوناقجايلىلىق سيمۆولى، "ءال-رازفا"، ءداستۇرلى ونەرى (ومان)، مەدجليس، مادەني ءارى قوعامدىق ورىن (ساۋد ارابياسى، ومان، كاتار). ۆەنەسۋەلادان تىزىمگە مىنالار كىردى - كەپتىرىلگەن ورىكتى وڭدەۋ جانە ءوسىرۋ تەحنولوگياسى مەن ءداستۇرلى تاسىلدەرى، مالاۆيدەن - نكوندە، تۋمبۋك جانە چيەۆا حالىقتارىنىڭ ەرتەگىلەرى مەن ماقالدارىن ساقتاۋ.

بۇل تىزىمگە كىرۋ ءۇشىن بەرىلەتىن وتىنىشتەردى قاراۋ اياقتالدى جانە ۇسىنىلعان 35 كانديداتۋرادان 23 جاڭا ەلەمەنت قوسىلدى.