ماقتانامىن قازاق بولىپ تۋعانىما
قازاقتىقتىڭ قاسيەتىمەن بەلدى بەكەم بۋعانىما،
قازاقتىقتىڭ قانىمەنەن كىندىگىمدى جۋعانىما
قازاقتىقتىڭ يىسىمەنەن
قازاق دەگەن ءۇندى ەستىرتكەن قۇلاعىما.
قازاق دەگەن قانداي ەدى ەرتە بىزدەن زاماندا،
تازا ارى،سۋداي جانى،ىستىق قانى ءاماندا،
ۇلدارى ەر-توقىمنان تۇسپەيتۇعىن
قىزدارى لاستى جەردەن وتپەيتۇعىن،
انالارى ەرلەرىنىڭ قاس قاباعىن باعاتۇعىن
ال ەرلەرى مال-مۇلىكتى ەڭبەكپەنەن تاباتۇعىن.
شىركىن قازاق،قازاق دەسە
جۇرەكتەرى دۇرسىلدەپ قاعاتۇعىن.
ەل بىرلىگىن ساقتاپ قالعان قانداي قيىن كۇن تۇسسە دە،
باتىلدىقتان تايماعان ەر باسىنا قارا بۇلت ۇيرىلسە دە،
جانىبەك پەن كەرەيدىڭ ەر ەڭبەگى ەمەس پە ەدى،
جەڭىسىنىڭ بۇگىنگى كۇن-نۇرلى زامان جەمىسى دە.
«مىڭ توعىز ءجۇز ون التىدا» ازاماتتىق قوزعالىستا
قۋدالاۋدىڭ زاردابىنان جاپا شەكتى الاشىم دا،
نار تۇلعالار قامىن جەگەن قازاقتىڭ
سول ءۇشىن دە ءدامىن تاتتى اششىسىنان ازاپتىڭ.
كوپ ۇزاماي قولدان سوققان اشارشىلىق جالمادى،
اجالدارى اشتىق بولدى،امال ەشبىر قالمادى
«ۇلى جۇتتىڭ» قاسىرەتىن ابدەن تارتتى قازاعىم
بالا-شاعا،قارت پەن قۇرتاڭ كوتەردى بيلىك مازاعىن،
تىنىشتىعى ەندى عانا بۇيىرعاندا باسىنا،
«سوعىس» دەگەن زالىم كەلىپ سىندىردى ساعىن تاعى دا،
ەر جەتىلىپ،بوي تۇزەگەن ءجاسوسپىرىم بالاسىن
اتتاندىردى الاش جۇرتى،جىلاتىپ ءاز اناسىن.
نەنى باستان وتكەرمەدى 550 جىل تاريحتا
سوعىس كوردىك،اشتىق كوردىك،ادىلەتسىز زامان كوردىك،
شىندىق ىزدەپ شىرىلداعان تالاي ابزال ادام كوردىك
شىندىعىنا پىسقىرىپ تا قاراماعان كەۋلى سوقىر نادان كوردىك.
كوردىك بىزدەر ازاپتانعان حالىقتىڭ دا جان ايعايىن،
كوردىك بىزدەر تالاتپاعان ار مەن نامىس جاعدايىن
جەلتوقساننىڭ ىرعازىندا مۇزعا الاۋ جاققاندار بار
سەكسەن التى جاستارىن جىرعا قوسپاي قالاي عانا قالايىن.
ارتىق پا ەدى جانىمىز كەشەگى وتكەن قايراتتان،
ەلدىڭ رۋحىن اسىرام دەپ نامىسىن مۇزدا قايراتقان
ءلاززات پەنەن ەربولداردان ارتىق ەمەس جانىمىز
تاريحقا اتى التىنمەن جازىلسا دا لايىقتان.
سول رۋح قايدا بۇگىندە نامىستى قويعان جاي باستان،
سول كۇش قايدا بۇگىندە اجالدىڭ وزىمەن ايقاسقان
سول كەك قايدا بۇگىندە كۇشى سىرتتان تاسىعان،
ارتىق ەمەس جانىمىز سول باتىردان
قادالعان جەردەن قان العان.
بابالاردىڭ ۇرپاعىمىز قورعاعان ەلىن جەرىم دەپ
بابالاردىڭ ۇرپاعىمىز كوتەر باستى ەرىم دەر،
بابالاردىڭ ۇرپاعىمىز كوك ءبورىنىڭ وزىمەن
ايقاسقاندا جان بەرمەي، جان الاتىن بورىدەن.
تاۋەلسىزدىك تاڭى اتتى توقسان ءبىردىڭ قىسىندا
سودان بەرى شۇكىر اللاح ارتتا قالدى قىسىم دا،
بۇگىندە ەلىم تاڭ قالدىرعان جەر شارىنىڭ تۇكپىرىن،
«قازاقستان» ازات ەندى سۋىڭ،تاۋىڭ،تاسىڭ دا.
ازات ەندى كوكتە ۇشقان قىران سەنىڭ قۇسىڭ دا،
ازات ەندى «ەلىم» دەپ كەۋدە قاققان ۇلىڭ دا
ازات ەندى ەلىم ازات،تالاي سىندى وتكەرگەن،
ازات ەندى جەرىم ازات،ازات كوگىڭ كۇن كوتەرگەن.
سىناق بولدى تالاي كەزەڭ بىزگە قيىن بەرىلگەن
سىناقتاردان وڭاي ەمەس،ءبىرى جانىن كەم كورگەن،
جەڭدىك ءبارىن، جەڭدىك بۇگىن ەل بىرلىگى استىندا
جەڭدىك ءبارىن جانىن قيعان ەرەن ەرلەر جاسىندا.
قازاعىم دەپ رۋحتانعاندا قانىم قىزۋ تاسىعان
تاسىعان دا قانىم مەنەن كەۋدەم بىرگە تاسىعان،
ادال جاندار كوپ بولسىنشى ادال وتەر سىنداردان
شىندىق جەڭەر قاي ۋاقىتتا ادىلەت قۇرار باسىنان.
باس كوتەرگەن بۇگىندە قازاقستان بيىكتەن،
استانامداي باس قالام بار كورىنگەندى
كوركىمەنەن ۇيىتكەن
ەل اعاسى نۇراعامداي باسشىم بار،
ەرلەرىنىڭ ءىزىن جالعاپ
حالقىن باققا كەنەلتكەن.
ماقتانامىن قازاق بولىپ تۋعانىما
ماقتانامىن قازاق اتتى كەڭ ەتەكتى قورعانىما
ماقتانامىن سىرداي جەردە تۋىلىپ،
سىردا ءوسىپ تولعانىما
ماقتانامىن تاۋەلسىزدىك قۇرداسى مەن بولعانىما!
سىمبات ءجۇسىپوۆا
قىزىلوردا وبلىسى، سىرداريا اۋدانى،
بەسارىق اۋىلى
№147 ورتا مەكتەپ
2015 جىل
