الماتىدا بەلگىلى مايدانگەر جازۋشى، ۇوس ارداگەرى قالمۇقان يساباي قايتىس بولدى، - دەپ حابارلايدى “قامشى» پورتالى قازاقستان جازۋشىلار وداعىنىڭ حاتشىلىعىنا سىلتەمە جاساپ.

جازۋشىنى اقتىق ساپارعا شىعارىپ سالۋ ءراسىمى ەرتەڭ جازۋشىلار وداعىنىڭ عيماراتىندا ساعات 10-دا وتەدى.

قالمۇقان يساباي 1925 جىلى پاۆلودار وبلىسىنداعى باياناۋىل اۋدانىندا تۋعان. قازاق مەملەكەتتىك ۋنيۆەرسيتەتىن ءتامامداعان. 

1955-1985 جىلدارى «سوسياليستىك قازاقستان» گازەتىندە ادەبي قىزمەتكەر، «جۇلدىز» جۋرنالىنىڭ ءبولىم مەڭگەرۋشىسى، قازاقستان جازۋشىلار وداعى جانىنداعى ادەبيەتتى ناسيحاتتاۋ بيۋروسىنىڭ ديرەكتورى قىزمەتتەرىن اتقارعان. 1985 جىلدان باستاپ شىعارماشىلىق جۇمىسپەن اينالىسادى. العاشقى اڭگىمەلەر جيناعى - «بايان» اتتى اڭگىمەسى 1959 جىلى جارىق كوردى. بۇدان سوڭ «اجال قۇرساۋىندا»، «جۇمباق ءۇي»، «بەتپە-بەت»، «سوڭعى تاۋلىك» پوۆەست، اڭگىمە، وچەركتەر جيناقتارى، «Cۇنقار سامعاۋى»، «ايقىز»، «جولداس كومەندانت»، «كوگىلدىر قازىنا»، «سەرت»، «ارنا» ت.ب. روماندارى باسىلدى.
قىزىل جۇلدىز، ەڭبەك قىزىل تۋ، ءى دارەجەلى وتان سوعىسى، قۇرمەت وردەندەرىمەن، جانە كوپتەگەن مەدالدارمەن ماراپاتتالعان.