ەۋرازيالىق ەكونوميكالىق كوميسسيا وتىرىسىندا جوعارى ەۋرازيالىق ەكونوميكالىق كەڭەستىڭ (جەەك) «ەۋرازيالىق ەكونوميكالىق وداققا مۇشە مەملەكەتتەردە 2020 جىل حالىق ساناعىن جۇرگىزۋ راۋندى تۋرالى» وكىم جوباسى ماقۇلداندى.  جوبانى ەەك ينتەگراسيا جانە ماكروەكونوميكانىڭ نەگىزگى باعىتتارى بويىنشا القا مۇشەسى (ءمينيسترى) تاتيانا ۆالوۆايا ۇسىندى، دەپ حابارلادى «قامشى» پورتالى ەەك باسپا ءسوز قىزمەتىنە سىلتەمە جاساپ.

«حالىق ساناعى - ادامي الەۋەتتىڭ ساپاسى مەن سانى تۋرالى ماڭىزدى اقپارات كوزى. حالىق ساناعىنىڭ ناتيجەلەرى سونداي-اق، ستاتيستيكانىڭ كوپتەگەن سالالارىنا بايلانىستى جانە مۇشە مەملەكەتتەر رەتىندە دە، تۇتاستاي وداق رەتىندە دە دامۋدىڭ الەۋمەتتىك-ەكونوميكالىق ينديكاتورىن تۇزەتۋ جانە ناقتىلاۋ مۇمكىندىگىن بەرەدى»، - دەپ اتاپ ءوتتى تاتيانا ۆالوۆايا.

حالىق ساناعىنىڭ ناتيجەلەرى حالىق سانى مەن قۇرىلىمى، ونىڭ ەڭبەك قىزمەتى جانە كوشى-قون ورنالاسۋلارى بويىنشا وزەكتى دەرەكتەر الۋعا مۇمكىندىك بەرەدى. قازىرگى ۋاقىتتا ەۋرازيالىق ەكونوميكالىق وداق ەلدەرىندە حالىق ساناعى ون جىلدا ءبىر رەت وتكىزىلەدى، بۇل رەتتە ءادىسنامادا جانە ونى وتكىزۋ مەرزىمدەرىندە ايىرماشىلىق بار.

ناقتى كۇنى مەن باعدارلاماسى بەلگىلەنەتىن حالىقتىڭ ۇلتتىق ساناعىن جۇرگىزۋ تۋرالى شەشىمدى مۇشە مەملەكەتتەر ۇكىمەتتەرى قابىلدايدى. حالىق سانقتارىنىڭ قۇجاتتارىن مەملەكەتتىك ستاتيستيكا سالاسىنداعى ۋاكىلەتتى ورگان بەكىتەدى. بۇل ۇلتتىق ساناق زاڭناماسىنا تولىقتاي سايكەس كەلەدى.

تاياۋ مەرزىمدە جانە ستاتيستيكالىق كورسەتكىشتەردىڭ تەرمينولوگياسى مەن ءادىسناماسىنداعى ءبىرىڭعاي تاسىلدەر نەگىزىندە ەاەو-عا مۇشە مەملەكەتتەردە حالىق ساناعىن وتكىزۋ ساناق دەرەكتەرىنىڭ سالىستىرمالىلىعىن قامتاماسىز ەتۋ ءۇشىن العىشارت بولىپ تابىلادى.

جەەك وكىمىن ىسكە اسىرۋ ۇلتتىق جانە وداقتىق جاعدايدا شەشىمدەر قابىلداپ، جوسپارلاۋ ءۇشىن قاجەتتى ەاەو اياسىندا حالىق سانى، ەڭبەك رەسۋرستارى جانە كوشى-قون اعىندارى تۋرالى سالىستىرمالى دەرەكتەر الۋعا ىقپال ەتەدى.