«حابار»، «24kz» تەلەارنالارىنىڭ لوندونداعى ءتىلشىسى بەلا قۇدايبەرگەنوۆانىڭ فەيسبۋكتاعى پاراقشاسىنا  «ناكونەس-تو يا ۋحوجۋ يز حابارا (ي 24كز، چتو، ۆپروچەم، ودنا كونتورا))))!!!! مەنيا پەرەپولنياەت وگرومنوە سچاستە!!!! يا پونيالا ۋ مەنيا ەست سوۆەست!!!:) يا نە موگۋ بولشە ۆرات!!!: (اقىرى حاباردان كەتەتىن بولدىم (24 كز-دان دا، ەكەۋى ءبىر مەكەمە)!!! مەن ەرەكشە قۋانىشتى سەزىمدەمىن!!! ءوزىمنىڭ ار-ۇياتىم بار ەكەنىن ءتۇسىندىم!!! بۇدان ءارى وتىرىك ايتا المايمىن!!!)،- دەپ جازعانى جەلى قولدانۋشىلارى اراسىندا قىزۋ تالقىعا تۇسۋدە. بىرەۋلەر ونىڭ ارەكەتىن قۇپتاسا، بىرەۋلەر بەلدى تەلەارنادا تاعى ءبىر بوس ورىن پايدا بولدى دەپ پىكىر بىلدىرۋدە.

ەلىمىزدەگى قوس بىردەي ءىرى تەلەارنا ءتىلشىسىنىڭ جۇمىستان كەتۋىنە نە سەبەپ بولعانى بەلگىسىز. ءجۋرناليستىڭ ءوزى پاراقشاسىنداعى جازبادا جۇمىستان كەتەتىنىنە قۋانىشتى ەكەندىگىن ايتقان.

24.kz سايتىندا ب.قۇدايبەرگەنوۆانىڭ «حابار» تەلەارناسىندا 2003 جىلدان بەرى جۇمىس ىستەيتىندىگى جازىلعان.

«بۇل تەلەارناعا ءوز حالقىم مەن مادەنيەتىمە ەتەنە جاقىن بولۋ ءۇشىن ورنالاستىم. سەبەبى جاستايىمنان ماسكەۋدە وسكەسىن، «قازاق» سوزىنە قاتىستى ۇعىمداردىڭ بارلىعى مەن ءۇشىن قىزىق. ماسكەۋدە 8 جىل بويى مەنشىكتى ءتىلشىنىڭ قىزمەتىن اتقارعان مەن ەندى وسى جۇمىستى لوندوندا 5 جىل ۋاقىت بويى جالعاستىرۋدامىن. كەيبىرەۋلەر مەنىڭ اجەپتاۋىر ءتىلشى ەكەندىگىمدى ايتسا دا، ءوزىم جازعان ماتەريالدارعا كوڭىلىم تولاتىن كەزدەر وتە سيرەك كەزدەسەدى. سەبەبى بىردە ۋاقىت تىعىز، بىردە تەحنيكا مەن قاراجات جاعى قولبايلاۋ بولىپ جاتادى…» دەپ جازادى ءتىلشى ءوزى تۋرالى اتالعان سايتتا.

سونداي-اق، ول «مەنىڭ ءبىر ارمانىم — كينو ءتۇسىرۋ. كىم بىلەدى، كۇندەردىڭ كۇنىندە بۇل ويىم ىسكە اسىپ قالار. سول كەزدە بۇكىل قازاقستاندىقتارعا ايتقىم كەلگەنىمدى فيلم تۇرىندە كورسەتەتىن الاتىن بولارمىن» دەگەن ويىمەن بولىسكەن.

«حابار» اگەنتتىگى» اق ءتىلشىسىنىڭ شۋلى جازباسىنا قاتىستى ءالى رەسمي پىكىر بىلدىرمەدى.