قازاقستاننىڭ باسىم اۋماعىندا اتموسفەرالىق اعىمداردىڭ وتۋىنەن كۇن رايى قۇبىلمالى بولادى، بۇرقاسىنداتادى، تۇمان تۇسەدى، كوكتايعاق، جەل كۇشەيەدى دەپ حابارلايدى «قامشى» پورتالى BNews.kz- كە سىلتەمە جاساپ.

«قازگيدرومەت» رمك مالىمەتىنشە، اقمولا، تۇندە سولتۇستىك قازاقستان، كۇندىز قوستاناي وبلىستارىندا 15-20 م/س جىلدامدىقپەن جەل سوعادى، بۇرقاسىنداتادى، تۇمان تۇسەدى، كوكتايعاق بولادى.

جامبىل، وڭتۇستىك قازاقستان وبلىستارىندا جەل كۇشەيەدى، كەي جەرلەردە جىلدامدىعى 25، ەكپىنى 30 م/س-تان اسادى، جامبىل ءوڭىرىنىڭ جەكەلەگەن اۋداندارىندا تۇمان تۇسەدى دەپ كۇتىلۋدە.

الماتى وبلىسىندا كەي جەرلەردە جەلدىڭ جىلدامدىعى 15-20 م/ءس-تى قۇرايدى، جالاڭاشكول اۋدانىندا ەكپىنى 25 م/س-كە دەيىن بارادى، تۇندە كەي بولىكتەردە تۇمان تۇسەدى دەپ كۇتىلۋدە.

قىزىلوردا، ماڭعىستاۋ، اتىراۋ، قاراعاندى، كۇندىز باتىس قازاقستان وبلىستارىندا كەي جەرلەردە 15-20 م/س جىلدامدىقپەن جەل سوعادى، كۇندىز قىزىلوردا وبلىسىندا ەكپىنى 25 م/س-كە دەيىن بارادى، تۇمان تۇسەدى، كوكتايعاق بولادى.

اقتوبە وبلىسىندا تۇمان، كۇندىز جەل كۇشەيەدى، بۇرقاسىنداتادى.

پاۆلودار وبلىسىندا كەي جەرلەردە كوكتايعاق، 15-20 م/س جىلدامدىقپەن جەل سوعادى، بۇرقاسىنداتادى.

شىعىس قازاقستان وبلىسىندا كوكتايعاق، تۇندە تۇمان، 17-22 م/س جىلدامدىقپەن جەل سوعادى، جەكەلەگەن اۋدانداردا 28 م/س-كە دەيىن بارادى. بۇعان قوسا «قازگيدرومەت» دابىلدى ەسكەرتۋ تۋرالى حابارلايدى.

5 جەلتوقساندا استانادا تۇمان تۇسەدى، كوكتايعاق. اقمولا وبلىسىندا كەي جەرلەردە تۇمان، كوكتايعاق، 5-6 جەلتوقسان كۇندەرى سولتۇستىك-باتىستان، وڭتۇستىك-باتىستان 15-20 م/س جىلدامدىقپەن جەل سوعادى.

وڭتۇستىك قازاقستان، جامبىل وبلىسىندا كۇن جاۋىن-شاشىندى، 5-6 جەلتوقسان كۇندەرى وڭتۇستىك-باتىستان، باتىستان 15-20، كەي جەرلەردە 25، ەكپىنى 30 م/س جەل سوعادى.