ەستەرىڭىزدە بولسا بىلتىر الماتى وبلىسى شەڭگەلدى اۋىلىندا ەكى شەشەن جىگىتى اۆتوماتپەن ەكى قازاقتى اتىپ تاستاعان. ماديار اقجولتايەۆ دەگەن ازامات سول جەردە قازا تاپقان، ەكىنشىسى ەرسايىن امىرەيەۆ امان قالعان.

كەشە سوتىڭ ۇكىمى شىقتى دەپ جازادا مۇحتار تايجان ءوزىنىڭ فەيسبۋكتەگى پاراقاشسىندا.

–      وق اتقان شەشەن 19 جىل الدى (ماكس 20 جىل)، قاتاڭ رەجيم، كونفيسكاسيا. قاسىندا بولعان شەشەن 6 جىل الدى، جالپى رەجيم (ماكس 8 جىل). شەشەندەردىڭ اعالارى سوتتىڭ زالىندا رەسمي وتىرىسىندا قازا تاپقان بالانىڭ اپاسىنىڭ الدىندا كەشىرىم سۇرادى، - دەيدى ول.

اتالمىش ءىستىڭ باسى-قاسىندا ءجۇرىپ، سوت وتىرىستارىنىڭ بارىنە مۇحتار تايجان مىرزا قاتىسىپ كەلەدى. – مارقۇم مادياردى تىرىلەتىپ المايمىز. جاتقان جەرى جايلى بولسىن، ارۋاعى يماندى بولعاي. ءبىراق سوتتىڭ ادىلەتتىك شەشىمىنە جابىرلەنۋشىلەر ريزا بولدى. بايقاعانىم، قازاق حالقى، ياعني ءبىز، ءبىرتۇتاس، ىنتىماقتى بولساق، جەڭىس ءارقاشاندا بىزدىكى بولادى، - دەيدى مۇحتار تايجان مىرزا.