قازاقستان قورعانىس ءمينيسترى يمانعالي تاسماعانبەتوۆ جاس وفيسەرلەردى ناگرادتادى، - دەپ حابارلايدى «قامشى» پورتالى قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
61993 اسكەري بولىمىندە وتكەن سالتاناتتى جيىندا يمانعالي تاسماعانبەتوۆ قۇرلىق اسكەرلەرى اسكەري ينستيتۋتىن ەكى جىل بۇرىن ءتامامداعان، بۇگىندە ءتۇرلى اسكەري بولىمدەردە قىزمەت ەتىپ جۇرگەن جاس ساردارلاردى ناگرادتادى.
«جاقىندا مەملەكەت باسشىسى حالىققا جولداۋىن جاريالادى. وندا ەلباسى قازىرگى جاھاندىق جاعدايدىڭ قاۋىپ-قاتەرلەرى تۋرالى ايتتى. ءبىزدىڭ الدىمىزدا قابىلەتتى اسكەر مەن كاسىبي ساردارلار قامتاماسىز ەتەتىن قاۋىپسىزدىك ماسەلەسى تۇر. بۇگىنگى شارا ءداستۇرلى سيپاتىنا قاراماستان، ەرەكشە ماڭىزعا يە. بۇل پرەزيدەنت باستامالارىنىڭ ناقتى جالعاسى»، - دەدى يمانعالي تاسماعانبەتوۆ.
جاس ساردارلار مينيستر قولىنان العىس حاتتار، باعالى زاتتار مەن «ۇزدىك مامان كوماندير» بەلگىلەرىن الدى.
