HeadHunter قازاقستان كومپانياسى قازاقستاندىقتاردىڭ ەڭبەكاقى كولەمىن انىقتاۋ ماقساتىندا ساۋالناما جۇرگىزدى، - دەپ حابارلايدى «قامشى» پورتالى.

ساۋالناماعا سايكەس، 2015 جىلى كۇزدە شيكىزات ءوندىرىسى، كەڭەس بەرۋ، قۇرىلىس جانە قۇقىقتانۋ سالالارىندا ەڭبەك ەتەتىندەر ەڭ جوعارى ەڭبەكاقى العان.

ساراپشىلار 2015 جىلدىڭ 1 قىركۇيەگى مەن 30 قاراشاسى ارالىعىندا جاريالانعان بوس جۇمىس ورىندارىنا تالداۋ جۇرگىزگەن. وسىلايشا ولار قاي سالا ماماندارىنا ەڭ جوعارى جالاقىنىڭ ۇسىنىلاتىنىن انىقتادى. ناتيجەسى تومەندەگىدەي:

شيكىزات ءوندىرىسى - 275 000 تەڭگە (قازان 2015)؛
كەڭەس بەرۋ - 187 000 تەڭگە (قازان 2015)؛
قۇرىلىس - 150 000 تەڭگە؛
قۇقىقتانۋ - 150 000 تەڭگە (قاراشا 2015)؛
ءوندىرىس - 140 000 تەڭگە (قىركۇيەك 2015).
ەڭ تومەن جالاقى مىنا سالا ماماندارىنا ۇسىنىلعان:

اكىمشىلىك قىزمەت - 80 000 تەڭگە (قىركۇيەك – قازان 2015)؛
قاۋىپسىزدىك - 85 000 تەڭگە (قىركۇيەك، قاراشا 2015)؛
عىلىم، ءبىلىم - 90 000 تەڭگە (قىركۇيەك 2015).

"كەيبىر سالادا قىركۇيەك جانە قاراشا ايلارىنىڭ ارالىعىندا باقىلاۋ جۇرگىزۋ ارقىلى جالاقىنىڭ بىرتەندەپ وسكەنىن بايقادىق. مىسالى، مىنا سالالاردا: اقپاراتتىق تەحنولوگيالار؛ بۋحگالتەريا، باسقارۋشىلىق ەسەپ، كاسىپورىن قارجىسى؛ ماركەتينگ، جارناما، PR؛ اكىمشىلىك قىزمەت؛ بانكتەر، ينۆەستيسيالار، ليزينگ؛ قىزمەتكەرلەردى باسقارۋ، ترەنينگتەر؛ عىلىم، ءبىلىم؛ ساۋدا"، - دەپ مالىمدەدى نeadHunter قازاقستان ساراپشىلارى.