2017 جىلعى قىسقى ۋنيۆەرسياداعا دايىندىق حالىقارالىق ستۋدەنتتەر سپورتى فەدەراسياسىنىڭ رەگلامەنتى بويىنشا ءساتتى جۇرگىزىلۋدە. بۇل تۋرالى قازاقستانعا ىس-ساپارمەن كەلگەن FISU پرەزيدەنتى ولەگ ماتىسين مالىمدەدى، - دەپ حابارلايدى «قامشى» پورتالى.
FISU وكىلدەرى قايتا سايلانعان پرەزيدەنتتەرى ولەگ ماتىسينمەن الماتىنىڭ ۋنيۆەرسياداعا دايىندىعىمەن تانىسۋ ءۇشىن كەلدى. ولار استانادا 2017 جىلعى ۋنيۆەرسيادا ۇيىمداستىرۋ كوميتەتىنىڭ باسشىسى، ۆيسە-پرەمەر داريعا نازاربايەۆامەن كەزدەسۋ وتكىزدى. كەزدەسۋ بارىسىندا تاراپتار قىسقى ۋنيۆەرسيادانى ۇيىمداستىرۋدا وزەكتى ماسەلەلەردى تالقىلادى. ولەگ ماتىسين جوبا ءساتتى بولاتىنىن، قازاقستان مەملەكەتى حالىقارالىق فەدەراسيانىڭ تاريحىندا وسى ءىرى جوبانى ۇيىمداستىرۋداعى سەنىمدى سەرىكتەس بولىپ قالاتىنىنا سەنىم ءبىلدىردى.
"ۋنيۆەرسياداعا دەيىن ۋاقىت از قالدى، ءبىراق جۇمىستاردىڭ قارقىندى ءجۇرىپ جاتقانىنان حاباردارمىز. سوندىقتان بارلىعى ويداعىداي بولاتىنىنا ءشۇبا كەلتىرمەيمىز"، - دەدى FISU پرەزيدەنتى.
ول ۋنيۆەرسيادانى وتكىزۋدەگى الماتىنىڭ ءرولىن دە اتاپ ءوتتى.
«اسا جاۋاپكەرشىلىك الماتى قالاسىنا ءتۇسىپ تۇر. ويتكەنى بۇل شاحاردا بارلىق سايىستار وتەدى. سول سەبەپتى حالىقارالىق فەدەراسيا مەن الماتى اكىمشىلىگىنىڭ، قالالىق ديرەكسيامەن بىرلەسە جۇمىس تۋرالى ماسەلەرگە نازار اۋداردىق. ءبىز الماتى اكىمشىلىگىنە ريزاشىلىعىمىزدى بىلدىرەمىز، ويتكەنى ولار وسى جوبا ارقىلى الماتىنى الەمگە تانىتۋدى كوزدەپ، بارلىعىن FISU رەگلامەنتى بويىنشا ورىنداپ جاتىر"، -دەدى ولەگ ماتىسين.
الماتىداعى قىسقى ۋنيۆەرسيادا ويىندارى 2017 جىلدىڭ 29-شى قاڭتارىنان 8ء-شى اقپان ارالىعىندا وتەدى. قىسقى ۋنيۆەرسيادا سايىستارىنا 55 ەلدەن 2000 سپورتشى قاتىسادى. ۋنيۆەرسيادا ۋاقىتىندا 3000 ەرىكتى جۇمىلدىرىلادى. 30 000 -نان استام شەتەلدىك قوناقتار كەلەدى دەپ كۇتىلۋدە. ۋنيۆەرسيادانى 80 ەلدەن 1 ملرد حالىق تاماشالايدى دەپ جوسپارلانعان. ۋنيۆەرسيادانىڭ وپەراسيالىق بيۋدجەتى ەكى ەسەگە قىسقارىپ، 17 ملرد تەڭگەنى قۇراعان. قازاقستاندىق كاسىپورىندارىن قولداۋ ماقساتىندا قازاقستاندىق قامتۋ 50 % بولماق.
جارىستار 13 سپورت تۇرىنەن، 8 سپورت نىسانىندا وتكىزىلەدى. ءقازىر جاڭا ءۇش سپورت نىسانى بوي كوتەرۋدە. ولار 5000 ادامدىق اتلەتيكالىق قالاشىق، 3 مىڭدىق مۇز ارەناسى جانە 12 مىڭدىق مۇز سارايى. بۇل سپورت نىساندارىنىڭ قۇرىلىسى 70 پايىزعا دايىن جانە 2016 جىلدىڭ جاز ايلارىندا تولىق بىتەدى دەپ جوسپارلانعان.
