الماتى قالاسى ءىىد ۇيىمداسقان قىلمىسپەن كۇرەس باسقارماسى ەكى كۇن بويى قالادا جەڭىل ءجۇرىستى قىزداردى انىقتاۋ جانە ءتيىستى جازاعا تارتۋ بويىنشا ارنايى رەيد وتكىزدى. رەيد بارىسىندا 182 جەزوكشە انىقتالعان، - دەپ حابارلايدى «قامشى» پورتالى الماتى قالاسى ءىىد-ى باسپا ءسوز قىزمەتىنە سىلتەمە جاساپ.
«ۇستالعان 182 جەزوكشەنىڭ جەتەۋى وزبەكستان ازاماتشالارى كورىنەدى. بارلىق ۇستالعان قىزدار ىشكى ىستەر ورگاندارىنا جەتكىزىلگەن. شەتەلدىك جەزوكشەلەر ءبىر اي مەرزىمگە ۋاقىتشا ۇستاۋ يزولياتورىنا جابىلىپ، ءبىر ايدان سوڭ ەل اۋماعىنان شىعارىلادى» دەلىنگەن ءىىد تاراتقان حابارلامادا.
پوليسەيلەر حابارلاعانداي، جەڭىل ءجۇرىستى 55 قىز قوعامدىق ورىندا كوپشىلىكتى مازالاعانى ءۇشىن اكىمشىلىك جاۋاپقا تارتىلاتىن بولادى. سونداي-اق، رەيد بارىسىندا 5 جەڭگەتايلىق كورسەتۋ دەرەگى انىقتالعان.
سونىمەن قاتار، شارا بارىسىندا جەڭىل ءجۇرىستى قىزدارعا «قىزمەت الاڭىن» ۇسىنعان قوناق ۇيلەر دە انىقتالىپ، جازاعا تارتىلۋدا. جىل باسىنان بەرى پوليسەيلەر الماتىداعى جەزوكشەلەرگە بولمەلەرىن ۇسىنىپ كەلگەن قوناق ۇيلەرگە 16 ميلليون تەڭگەدەن استام ايىپپۇل سالعان.
