3 جەلتوقساندا الماتى ىرگەسىندەگى وتەگەن باتىر كەنتىندە جوعالىپ كەتكەن قىز بۇگىن تابىلدى، - دەپ حابارلايدى «قامشى» پورتالى ۇلتتىق ۇلان «وڭتۇستىك» وڭىرلىك قولباسشىلىعى باسپا ءسوز قىزمەتىنە سىلتەمە جاساپ.
جوعالعان قىزدىڭ تابىلعاندىعى تۋرالى بۇعان دەيىن «فەيسبۋك» الەۋمەتتىك جەلىسىندە ەرىكتى ىزدەۋشىلەر توبى دا حابارلاعان بولاتىن.
«3 جەلتوقسان كۇنى جەتىگەن ەلدى مەكەنىندە تۇراتىن ايزادا اۆلاتاروۆانى ىزدەستىرۋگە پوليسيا قىزمەتكەرلەرىمەن قاتار ۇلتتىق ۇلان ساربازدارى دا جۇمىلدىرىلعان بولاتىن. بۇگىن جوعالعان قىز ىلە اۋدانىنىڭ اۋماعىنان تابىلىپ، قاپشاعاي قالاسىنداعى پوليسيا قىزمەتكەرلەرىنە تاپسىرىلدى. ايزادانىڭ تابىلعاندىعى تۋرالى ونىڭ تۋىستارىنا دا ەسكەرتىلدى. سونىمەن قاتار، ونى ۇرلادى دەگەن كۇدىكپەن ۇستالعان ازامات تا پوليسياعا جاۋاپ بەرۋدە» دەدى ۇلتتىق ۇلان «وڭتۇستىك» وڭىرلىك قولباسشىلىعى قولباسشىسىنىڭ ورىنباسارى نۇرباي بەكتۇرسىنوۆ.
ەستەرىڭىزگە سالساق، 20 جاستاعى ايزادا اۆلاتاروۆا 3 جەلتوقسان كۇنى جەتىگەن ەلدى مەكەنىنەن وتەگەن باتىر كەنتىنە ساباققا شىعىپ، ورتا جولدا جوعالىپ كەتكەن بولاتىن.
