قاراعاندى وبلىسىنىڭ بۇرىنعى اكىمى سوتتا اقتىق ءسوزىن سويلەدى، - دەپ حابارلايدى «قامشى» پورتالى.

وزىنە تاعىلعان ايىپتارمەن كەلىسپەيتىنىن ايتقان باۋىرجان ابدىشيەۆ مەملەكەتتىك قىزمەتتە تەك حالىق پەن پرەزيدەنت مۇددەسى ءۇشىن ەڭبەك ەتكەنىن ايتتى.

«مەن ءوزىمنىڭ بارلىق سانالى ءومىرىمدى وتانىما ارنادىم جانە ونىڭ ادال ازاماتى بولدىم. كوپ بالالى وتباسىندى ءتۋىپ-وستىم. ءبىزدىڭ وتباسىمىزداعى باستى قۇندىلىق ادال ەڭبەك بولدى. مەن ءومىر بويى، 8-سىنىپتان باستاپ ادال ەڭبەك ەتتىم. سول ەڭبەگىمنىڭ ارقاسىندا، ەلباسىنىڭ ارقاسىندا ماڭىزدى لاۋازىمدا بولۋ قۇرمەتىنە يە بولدىم» دەگەن ب. ابدىشيەۆ ءوزىنىڭ مەملەكەتتىك قىزمەتتە ەلباسىنىڭ ادال ساربازى بولعاندىعىن ايتتى.

«ۋاقىت پەن شىندىقتى جەڭگەن ەشكىم جوق. بارلىعىن ۋاقىت ءوز ورنىنا قويادى. حالىق مەنىڭ ىستەگەن جۇمىسىما العىسىن ايتىپ كەلدى، ايتىپ تا جاتىر» دەدى ب. ابدىشيەۆ.

ايىپتاۋشى تاراپ، قاراعاندى وبلىسى نىڭ بۇرىنعى اكىمى باۋىرجان ابدىشيەۆتى جەتى جىل باس بوستاندىعىنان ايىرۋ تۋرالى جازا سۇراعانىن ەستەرىڭىزگە سالامىز.