استانا پروكۋراتۋراسى ەكونوميكالىق داعدارىس سالدارىنان قىلمىس سانى كوبەيىپ كەتەدى دەپ قاۋىپتەنۋدە. بۇل تۋرالى بريفينگ بارىسىندا استانا قالالىق پروكۋرورىنىڭ كومەكشىسى رۋسلان ءايتىموۆ ايتتى.

«بۇل بۇگىنگى بريفينگىمىزدىڭ باستى سەبەپتەرىنىڭ ءبىرى بولىپ وتىر. داعدارىسقا بايلانىستى بىزدەر مۇنداي جايت ورىن الۋى مۇمكىن دەپ قاۋىپتەنۋدەمىز. وزدەرىڭىزدە تۇسىنەسىزدەر عوي، استانا - ءبىزدىڭ ەلوردامىز. رەسمي ستاتيستيكاعا سايكەس مۇندا شامامەن 800 مىڭ ادام تىركەلگەن. بۇعان قوسا، كۇن سايىن قالاعا بارلىق وڭىردەن ادامدار كەلەدى»، - دەدى ول.

وسى رەتتە پروكۋرور كومەكشىسى اسىرەسە الاياقتىق قىلمىستىڭ ءورىپ كەتۋ مۇمكىن ەكەندىگىن باسا ايتتى. «دەگەنمەن، ءبىز دە قىلمىستىڭ الدىن الۋ جۇمىستارىن تىڭعىلىقتى جۇرگىزۋدەمىز»، - دەدى ر.ءايتىموۆ.

ايتا كەتەرلىگى، الاياقتىقتىڭ الدىن الۋ ءۇشىن پروكۋراتۋرا ەلوردالىقتارعا ارنالعان ارنايى ەسكەرتۋ پاراقشاسىن دا دايىنداپ قويعان. وندا الاياقتىڭ ارباۋىنا قالاي ءتۇسىپ قالماۋ كەرەكتىگى جازىلعان.