پاتەر ساتۋمەن اينالىساتىن الاياقتار ەلوردانىڭ تۇرعىن ءۇي باسقارماسى عيماراتىنان بولمە جالداپ وتىرعان. بۇل تۋرالى بريفينگ بارىسىندا استانا قالالىق پروكۋراتۋراسى ەكىنشى باسقارماسىنىڭ پروكۋرورى ەرلان بايمۇحامبەتوۆ ءمالىم ەتتى، - دەپ حابارلايدى «قامشى» پورتالى قازاقپاراتقا سىلتەمە جاساپ.

«تومەن باعامەن باسپانا، جەر تەلىمىن العىسى كەلەتىن ادامداردىڭ قارجىلارىن قالتاسىنا باسۋ ءۇشىن ءبىزدىڭ ادامداردىڭ ءتۇرلى جاۋاپكەرشىلىگى شەكتەۋلى سەرىكتەس اشقاندىعى تۋرالى دا كوپتەگەن فاكتىلەر بار. مۇنداي الاياقتىق جول ءتىپتى استانا قالاسى بويىنشا تۇرعىن ءۇي باسقارماسىنىڭ عيماراتىنىڭ ىشىندە دە ورىن العان. ولار عيماراتتان بولمە جالداپ، ازاماتتاردى مەملەكەتتىك باعدارلاما اياسىندا باسپانا الۋ مۇمكىندىگىن جاسايمىز دەپ الداعان»،  - دەدى پروكۋرور.

ونىڭ سوزىنە قاراعاندا، مۇنداي قىلمىستىق توپتاردىڭ 26 الاياقتىق جاساعاندىعى بەلگىلى بولىپ وتىر.

«بۇعان قوسا، استانادا جشس-اشىلىپ، ول بريتان كورولدىك بانك ارقىلى تومەن پايىزبەن نەسيە بەرە الاتىندىقتارى تۋرالى حابارلاما بەرگەن. ءبىراق، ءىس جۇزىندە ونداي بانك مۇلدەم جوق»، - دەدى ول.

ە.بايمۇحامبەتوۆتىڭ اتاپ وتۋىنشە، اڭقاۋ استانالىقتاردىڭ كوپشىلىگى وسىنداي الاياقتاردىڭ قارماقتارىنا تەز ىلىگىپ قالادى.

 «قامشى» سىلتەيدى