12 جەلتوقساندا استاناداعى «استانا-ارەنا» ستاديونىندا قازاقستاندىق تانىمال ءانشى قايرات نۇرتاستىڭ «مەن عاشىقپىن» اتتى كونسەرتى وتەدى. وسىعان وراي سول كۇنى ءبىرقاتار كوشەلەردەگى كولىك قوزعالىسى توقتاتىلادى، - دەپ حابارلايدى استانا ءىىد-نىڭ باسپا ءسوز قىزمەتى.

اتاپ ايتقاندا، 12 جەلتوقسان كۇنى كەشكى ساعات بەستەن كونسەرت سوڭىنا دەيىن قابانباي باتىر مەن تۇران داڭعىلدارىنىڭ كەرەي-جانىبەك حاندار جانە حۋسەين بەن تالال كوشەلەرىمەن قيىلىسقان تۇستارىندا كولىك قوزعالىسىن جول-پاترۋلدىك پوليسيا قىزمەتكەرلەرى شەكتەمەك.

«استانا قالاسى ءىىد اكىمشىلىك پوليسيا باسقارماسى اۆتوكولىك يەلەرىنەن كونسەرت وتەتىن ورىنعا قوعامدىق كولىكپەن جەتۋگە كەڭەس بەرەدى»، - دەلىنگەن باسپا ءسوز قىزمەتى تاراتقان حابارلامادا.

كونسەرتكە وراي، كورەرمەندەردى ستاديونعا توپتاپ جەتكىزۋ ءۇشىن ارنايى كولىكتەر ءبولىنىپ وتىر. قايرات نۇرتاس تىڭدارماندارى «قازاقستان» كونسەرت زالىنان، «حازىرەت سۇلتان»، «نۇر استانا» مەشىتتەرىنەن، سيرك پەن ق. مۇڭايتپاسوۆ اتىنداعى ستاديون، «جاستار» تەاترى جانىنداعى تۇراقتاردان جۇرەتىن اۆتوبۋستار ارقىلى كونسەرتكە جەتە الادى. قالا اكىمدىگى كونسەرت اياقتالعان سوڭ، تىڭدارمانداردى كەرى الىپ شىعۋ ماسەلەسىن دە شەشىپ قويعان كورىنەدى.