"قۇنانبايدى" كورۋ كەشە بۇيىردى. ءبىر ءداۋردىڭ قىسقاشا تاريحىن بەينەلەگەن قازاق ءفيلمىن كورۋگە قازاقتاردىڭ ءوزىنىڭ قۇلىقسىزى قىنجىلتادى. بيلەتتەرى دە تىم ارزانعا ساتىلىپ جاتىر ەكەن، سوندا دا كورەرمەن جوق. كينو ءبىر سوزدەن ۇنادى، بىتكەن ىسكە سىنشى كوپ دەگەندەي اتتەگەن-اي دەيتىن جەرلەرى دە جوق ەمەس.
ماعان ەڭ ۇناعان جەرى ورىس تەرگەۋشىسىنىڭ "كەنەسارىمەن قانداي بايلانىسىڭ بار؟" دەگەن سۇراعىنا جاۋابى مەن قۇنانباي يتجەككەنگە ايدالىپ بارا جاتقاندا باراقتىڭ بوساتىپ الىپ، ەكەۋىنىڭ كەزىككەن ءساتى بولدى. كوزقاراستارى ءبىر ارناعا توعىسپاعان قازاقتىڭ ەكى سۇلتانىنىڭ ءبىرىنىڭ باسىنا ءىس تۇسكەندە، ەكىنشىسى بارىن سالىپ قۇتقارىپ، ءبىر ءبىرىن باۋىرىم دەپ باۋىرىنا باسقاندا جۇرەگىڭ ەرىكسىز ەلجىرەيدى ەكەن.
"توپ توپقا بولىنگەن بۇگىنگى قازاقتىڭ باستارى قوسىلمايتىن بەتكە ۇستارلارى سولاي ەتە الا ما؟" دەگەن ويمەن تاكسي ۇستاپ ۇيىمە قايتىپ كەلە جاتقانمىن. كولىك جۇرگىزۋشىسى "احي" باۋىرىم ەكەن. سوزدەن ءسوز شىعىپ، ودان ناماز وقىمايتىن قازاقتان، دىنگە كەلگەن قىتايدىڭ ارتىق ەكەنىن، ورىس بولسىن، جۇڭگو بولسىن ناماز وقىسا ءوز باۋرىم دەپ قازاقتان جاقىن تارتاتىنىن ەستىگەنىمدە ايتۋعا جاۋاپ تا تاپپاي قالدىم...
ۇمىتىپ كەتىپپىن عوي، دوسحان اعامىز بەن تالاسبەك مارقوم قۇنانبايدىڭ اۋىزىمەن قىتايداعى قازاقتار تۇرعان جەردىڭ قازاقتاردىڭ ءوز جەرى ەكەنىن، قىتايدىڭ جەرى ارىدا جاتقانىن ايتىزىپتى. وسى جەرى دە وتە ورىندى بولعان. وسىنداي قۇندى تاريحي شىندىقتاردى دا كينو ارقىلى قوعامعا، جاس ۇرپاققا جەتكىزىپ وتىعانىمىز دۇرىس بولار ەدى.
ءبارىڭىزدى، كورۋگە شاقىرامىن. بارىڭىزدار. ءوتىنىپ قانا كەتەيىن، ۋاقىتتارىڭىزدى شىعارىڭىزدارشى!
تۇردىبەك قۇرمەتحاننىڭ "فەيسبۋك" پاراقشاسىنان
«قامشى» سىلتەيدى
