ەستەرىڭىزدە بولسا،  وسىدان ءبىراز بۇرىن پورتالىمىزدا  "جالعاس يمانالييەۆ: Qnetء-تىڭ كۇيتتەگەنى  نە؟" اتتى  سۇحبات  جارىق كورگەن  ەدى... سونداعى   Qnet كومپانياسىنا قاتىستى كەيبىر مالىمەتتەر جالعان دەپ تۇسىنىكتەمە بەرۋدە كومپانيا ماماندارى. "قامشى" ەركىن اقپارات الاڭى. سوندىقتان، ءتيىستى پىكىر، ايتار ءۋاج بولسا ءارقاشان مارحابات، قۇرمەتتى وقىرمان!

قۇرمەتتى، "قامشى" پورتالى!

6 اقپاندا Qamshy.kz اقپاراتتىق پورتالىندا جاريالانعان «جالعاس يمانالييەۆ، PR-شى: QNETء-تىڭ كۇيتتەگەنى نە؟» جاريالانىمىنداعى اقپارات ناقتىلىققا سايكەس كەلمەيدى، ال ماقالادا كەلتىرىلگەن كەيبىر دەرەكتەر – جالعان. سونىمەن قاتار، QNET كومپانياسىنىڭ قىزمەتى مەن جەلىلىك ماركەتينگ يندۋسترياسىنا قاتىسى جوق يمانالييەۆ مىرزانىڭ تۇسىنىكتەرى نەگىزىندە جاسالعان قورىتىندىلار نەگىزسىز.

سىزدەردىڭ نازارلارىڭىزعا ءىس پەن دەرەكتەردىڭ شىنايىلىعى مىناداي ەكەندىگىن مالىمدەيمىز:

QNET كومپانياسى قارجىلىق پيراميدا بولىپ تابىلمايدى. قولدانىستاعى زاڭناماعا، حالىقارالىق قۇقىققا جانە قازاقستان رەسپۋبليكاسىنىڭ اۋماعىنداعى قارجىلىق پيراميدا قىزمەتتەرىنىڭ الدىن-الۋعا باعىتتالعان "قارجىلىق (ينۆەستيسيالىق) پيراميدالار قىزمەتتەرىنە قارسى تۇرۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى" قابىلدانعان قازاقستان رەسپۋبليكاسىنىڭ زاڭىنا سايكەس قارجىلىق پيراميدا اقشانى نەمەسە وزگە دە مۇلىكتەردى تارتۋدان تابىس الۋ (مۇلىكتىك پايدا) بويىنشا قىزمەتتەر نەمەسە وسى اكتيۆتەردى قايتا ءبولۋ جانە باسقالار جارناسىنىڭ ەسەبىنەن ءبىر قاتىسۋشىنى بايىتۋ ارقىلى قابىلدانعان مىندەتتەمەلەردى قامتاماسىز ەتەتىن كاسىپكەرلىك قىزمەتتەرگە تارتىلعان قاراجاتتاردى پايدالانۋسىز جەكە جانە (نەمەسە) زاڭدى تۇلعالاردىڭ قۇقىقتارى رەتىندە انىقتالادى. سونىمەن قاتار، جەلىلىك ماركەتينگ پەن تىكەلەي ساۋدا نارىعىندا جۇمىس ىستەيتىن زاڭدى كومپانيالاردىڭ قىزمەتى قارجىلىق پيراميدالاردان مىناداي ولشەمدەرمەن ەرەكشەلەنەدى: زاڭدى كومپانيالارداعى تاۋەلسىز وكىلدەر (ديستريبيۋتورلار) كومپانيا ءونىمىن ساتۋ ەسەبىنەن پروسەنت الادى.ديستريبيۋتورلارعا ءوزىنىڭ كوميسسيالىق پروسەنتىن الۋ ءۇشىن جاڭا ادامداردى تارتۋ قاجەت ەمەس، ويتكەنى ولارعا ساتىلىم ەسەبىنەن سىياقى بەرىلەدى. قارجىلىق پيراميدادا سىزدەر كومپانياعا جاڭا قاتىسۋشىلاردى تارتپايىنشا، ەشقانداي قارجىلىق قايتارىم جوق. بارىنەن بۇرىن قارجىلىق پيراميدالاردان ايىرماشىلىعى، مۇندا سىزدەر باستاپقى ينۆەستيسيالاردان ەشقانداي ءونىم/قىزمەت الا المايسىز، زاڭدى كومپانيالار ساپالى جانە پايدالى ونىمدەردى ساتۋمەن جۇمىس ىستەيدى. مىسالى، QNET بۇكىل الەم بويىنشا ادامداردىڭ قاجەتتىلىگىن قاناعاتتاندىرۋعا قابىلەتتى ەكسكليۋزيۆتى، يننوۆاسيالىق جانە جوعارى ساپالى ونىمدەردى جاساپ شىعارۋ زەرتتەۋلەر مەن ازىرلەنىمدەرگە ميلليوندار جۇمسايدى. سوعان قاراماستان، سپيكەردىڭ «مەن «تايت» ۇنتاعىن الىپ، ونىڭ سىرتىنا باسقا قاپتاما كيگىزىپ، جانىنا تاعى ءبىر ادەمى ەكى زات قوستىم دەلىك» دەگەن پىكىرى جالعان جانە نەگىزسىز بولىپ تابىلادى. جەلىلىك ماركەتينگ – بۇل «قالاي تەزىرەك بايۋعا بولادى» دەگەن سحەما ەمەس. سىزدەرگە بايۋدىڭ وڭاي جولىن تابۋعا ۋادە بەرەتىن كەز-كەلگەن كومپانيا (اسىرەسە پيراميدا قۇرۋ ارقىلى) مۇمكىن جۇمىستىڭ  الاياقتىق تەتىكتەرىن پايدالاناتىن بولار. QNET بيزنەس جۇرگىزۋدىڭ بىرەگەي مۇمكىندىگىن ۇسىنادى، الايدا تابىسقا، ەگەر سىزدەر قولدارىڭىزدى ءبىر سىلتەمەي، جۇمىس ىستەگەن جانە ماقساتقا جەتۋ ءۇشىن ءتيىستى كۇش-جىگەردى جۇمساعان جاعدايدا عانا قول جەتكىزۋگە بولادى. سونىمەن قاتار كەز-كەلگەن بىزنەستى دامىتۋ ۋاقىتتى تالاپ ەتەدى، سوندىقتان جىلدام تابىس الۋعا ۋادە بەرۋ – قارجىلىق پيراميدانىڭ بەلگىسى.

 كومپانيانىڭ نارىققا ۇزاق مەرزىمدى قاتىسۋى. كومپانيانىڭ جەلىلىك ماركەتينگتەن اسا ماڭىزدى ايىرماشىلىعى – نارىققا ۇزاق مەرزىمدى قاتىسۋى. جۋرناليست اتاپ وتكەندەي، «كومپانيا 1998 جىلدان بەرى 14 جىل كولەمىندە جۇمىس جاساپ كەلەدى». ناقتى ستراتەگياسى مەن بيزنەستى دامىتۋ تۇسىنىگى بولماسا، نارىققا قاتىسۋدىڭ مۇنداي مەرزىمىنە جەتۋ مۇمكىن ەمەس. قارجىلىق پيراميدانىڭ ءومىر ءسۇرۋ كەزەڭى  بولماشى عانا، جارتى جىلدان باستاپ، ەڭ كوپ دەگەندە ءۇش جىل.

QNET كومپانياسىنىڭ بيزنەس-مودەلى ەكى سالانىڭ – ەلەكتروندىق كوممەرسيا مەن تىكەلەي ساتۋ پرينسيپتەرىن بايلانىستىرادى. QNET ونىمدەرىن ساتىپ العان كەزدە كەز-كەلگەن كليەنتتىڭ تاۋەلسىز وكىل (ءتو) نەمەسە جاي عانا تۇتىنۋشى بولۋعا مۇمكىندىگى بار. بۇل كەزدە ءتو بولۋ ءۇشىن نە-بارى 30$ كولەمىندە جارنا ەنگىزۋىڭىز جانە قىزمەتتەر مەن قازاقستان رەسپۋبليكاسىنىڭ زاڭناماسىنا سايكەس سالىق تولەمدەرىن زاڭدى جۇرگىزۋ ماقساتىندا ءوزىڭىزدى جەكە كاسىپكەر رەتىندە تىركەۋىڭىز قاجەت. سوندىقتان «Qnet-كە كىرۋ ءۇشىن ءسىز 3000 بيۆيگە (بيۆي-سالىمشىنىڭ اقشاسىنا ساتىپ الىنعان ۇپاي) زات ساتىپ الاسىز» دەگەن پايىمداۋ جالعان. ءتو كوميسسيالىق پروسەنتتى ءوزىنىڭ تىكەلەي رەفەرالدارىنىڭ (باسقا قاتىسۋشىنىڭ ۇسىنۋى بويىنشا تىركەلگەن سەرىكتەستىك باعدارلاماسىنا قاتىسۋشىلاردىڭ) ونىمدەردى/قىزمەتتەردى ساتۋىنان، سونداي-اق ونىڭ كوماندالارى مۇشەلەرىنىڭ رەفەرالدارى ارقىلى جاسالعان تاۋارلاردى/قىزمەتتەردى ساتىپ الۋدان تابادى. كوميسسيالىق پروسەنتتىڭ رەفەرالداردى تارتۋ نەگىزىندە ەمەس، تەك تاۋارلاردى/قىزمەتتەردى ساتۋ نەگىزىندە عانا تولەنەتىنىن اتاپ وتكەن ءجون. سولاي بولسا دا، «سەن 500 دوللار بەرىپ، ارتىڭا ادام جينايسىڭ» دەگەن پىكىر شىندىققا جاناسپايدى.

سوندىقتان، QNET كومپانياسىنىڭ قارجىلىق پيراميدا بولىپ تابىلمايتىنى تۋرالى تەزيس قاتە بولىپ تابىلادى، ال LBM كومپانياسىمەن سالىستىرۋ جانە «شارتتى تۇردە بۇل بارىپ تۇرعان «لوحوترون» دەگەن سويلەم سۋبەكتيۆتى قاتە بولىپ تابىلادى جانە ابىروي-بەدەلگە زالال كەلتىرەدى.

«وريفلەيم»، «تيانشي» سياقتى كومپانيالاردىڭ تاۋارلارىن وتكىزۋ ءۇشىن ادامدار سول زاتتاردى بارىنشا جارنامالايدى، ساتۋشىلاردىڭ ويىن­دا تەك ءبىر عانا ماقسات بار» دەگەن تىركەستەگى Oriflame جانە تيانشي سياقتى كومپانيالاردى ەسكە الساق، سونداي-اق ولار دا جەلىلىك ماركەتينگتىك كومپانيالار بولىپ تابىلادى، بارلىق يندۋستريانى قارجىلىق پيراميدالاردى انىقتاۋمەن جۇرگىزەدى. ول "قارجىلىق (ينۆەستيسيالىق) پيراميدالار قىزمەتتەرىنە قارسى تۇرۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنا، سونداي-اق قازاقستان رەسپۋبليكاسى پارلامەنتى سەناتىنىڭ دەپۋتاتى، كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارى جونىندەگى كوميتەتتىڭ مۇشەسى ۆلاديمير بوبروۆتىڭ ءوزىنىڭ ءبىر سۇحباتىنداعى سوزىنە قايشى كەلەدى.

«QNET-كە» جانە قازاقستانداعى  QNET اگەنتتىگى بولىپ تابىلاتىن Diamond Agencies LLP اگەنتتىگىنە وسى ماسەلە بويىنشا Qamshy.kz اقپاراتتىق پورتالىنىڭ رەداكسياسىنان، نە جەكە جۋرناليست زاميرا پۋلاتوۆادان ساۋالدار تۇسكەن جوق، سوعان قاراماستان، اقپارات پەن بايلانىس كومپانيانىڭ http://www.qnet.net/ru/ رەسمي سايتىندا ەركىن مۇمكىندىكپەن ورنالاستىرىلعان جانە بۇقارالىق اقپارات قۇرالدارى وكىلدەرىنىڭ تاراپىنان ساۋالدارعا ارنالعان ارنايى ۇلگى بار. سايت تمد ەلدەرىنىڭ جۋرناليستەرىنە ىڭعايلى بولۋ ءۇشىن ورىس تىلىندە جۇمىس ىستەيدى. سونىمەن بىرگە  “تاقىرىپقا وزەك بولعان كومپانياعا ادام شاقىرۋ الدىندا، قىزمەتكەرلەر بارلىق مالىمەتتەردى قۇپيا ۇستايدى” دەگەن پايىمداۋ دا قاتە.

اقپارات تالداماسىنىڭ، ماسەلەلەر قويۋدىڭ، سۇحبات الۋ قۇرىلىمىنىڭ جوقتىعى، سونداي-اق ساراپشىلار رەتىندە ءال-فارابي قازاق ۇلتتىق ۋنيۆەرسيتەتىنىڭ وقىتۋشىلارىن پايدالانۋ، ولار رەسمي بيوگرافياعا سايكەس ەشقاشان تىكەلەي ساۋدا سالاسىندا جانە باسقا دا رەليەۆانتتىق بيزنەس-ۇيىمداردا جۇمىس ىستەمەگەن، بۇل جەردە اقپاراتتىڭ مۇنداي دەرەكتەرىنە نازار سالماۋشىلىق QNET كومپانياسىنىڭ وزىنە، قازاقستاننىڭ تىكەلەي ساۋدا اسسوسياسياسىنا، سونداي-اق ماركەتينگ جانە ەكونوميكا سالاسىنداعى كوپتەگەن باسقا دا ساراپشىلارعا ءجۋرناليستىڭ وبەكتيۆتىلىگى مەن ونىڭ كاسىبي ەتيكا ستاندارتىمەن جۇمىس ىستەمەيتىندىگىنە ايتارلىقتاي كۇمان تۋعىزدى. جاريالانعان ماتەريالدىڭ قۇرىلىمى مەن باعىتى اقپاراتقا ادەيى سۋبەكتيۆتى قاتىناستا قاراعانى جانە جاريالانىم اۆتورىنىڭ تاراپىنان، سونداي-اق اڭگىمەلەسۋشى تاراپىنان دەرەكتەر مەن ناقتىلىقتى ادەيى بۇرمالاعانى تۋرالى ويعا الىپ كەلەدى.

جوعارىدا مازمۇندالعانداردى ەسكەرە وتىرىپ، سىزدەردەن ماقالانى تۇزەتۋ/تەرىسكە شىعارۋ مۇمكىندىگىن قاراستىرۋىڭىزدى وتىنەمىز. سونداي-اق،  اتالعان تاقىرىپقا قايتىپ كەلگەن جاعدايدا، تىكەلەي QNET كومپانياسىنا حابارلاسۋلارىڭىزدى سۇرايمىز. ءبىزدىڭ تاراپىمىزدان ءبىز قاجەتتى اقپاراتتى بەرۋگە جانە بارلىق قىزىقتىراتىن سۇراقتارعا جاۋاپ بەرۋگە مىندەتتەنەمىز!

قۇرمەتپەن،

تيم گارني، QNET زاڭدى ماسەلەلەر جونىندەگى اعا كونسۋلتانتى