ەلباسىنىڭ «100 ناقتى قادام» ۇلت جوسپارىنداعى تالاپتاردىڭ ءبىرى – جەرگىلىكتى پوليسيا قىزمەتىن جەتىلدىرۋ. وسىعان وراي، وبلىستارداعى ىشكى ىستەر ورگاندارى قۇرامىنداعى ءبىرقاتار قۇرىلىمدار جەرگىلىكتى پوليسيا قىزمەتى بولىپ قۇرىلۋدا. ءقازىر ىشكى ىستەر ءمينيسترىنىڭ ورىنباسارلارى ءار ايماقتى ارالاپ، جاڭا قۇرىلىمنىڭ قىر-سىرىن ەلگە تانىستىرۋدا. بۇل تۋرالى "قامشى" پورتالى الماتى قالاسى ءىىد باسپا ءسوز قىزمەتىنە سىلتەمە جاساپ حابارلايدى.

تانىستىردى دەگەندە ايتارلىقتاي وزگەرىستەر مەن قۇرىلىمدىق جاڭالىقتار جوق. تەك جاڭا تالاپتار بويىنشا پوليسيانىڭ ۋچاسكەلىك پوليسيا پۋنكتەرى، كاملەتتىك جاسقا تولماعاندارمەن جۇمىس ينسپەكسيالارى مەن مەكتەپ ينسپەكتورلارى، ايەلدەردى زورلىق-زومبىلىقتان قورعاۋ، تابيعات قورعاۋ پوليسيالارى مەن جول-پاترۋلدىك پوليسياسى تۇگەلدەي جەرگىلىكتى پوليسيا مارتەبەسىنە يە بولىپ وتىر. پوليسەيلەردىڭ ايتۋىنشا، بۇل قۇرىلىم بولاشاقتا جەرگىلىكتى حالىق پەن ءوڭىر باسشىلىعىنا تاۋەلدى ءھام ەسەپتى قۇرىلىم بولماق.

سونداي-اق، ءىىد تاراتقان حابارلامادا، جەرگىلىكتى پوليسيا قىزمەتكەرلەرىنىڭ بۇرىنعى مەملەكەتتەن الىپ كەلگەن جالاقىلارى مەن باسقا دا الەۋمەتتىك كەپىلدەمەلەرى سول كۇيىندە ساقتالاتىن كورىنەدى.