قانات يسلام كەلەسى جەكپە-جەگى وتەتىن كۇندى اتادى، - دەپ حابارلايدى «قامشى» پورتالى Vesti.kz-كە سىلتەمە جاساپ.

قازاقستاندىق كاسىبي بوكسشى قانات يسلام كەلەسى جەكپە-جەگىن قاڭتار ايىنىڭ ورتاسىندا قىتايدا وتكىزەدى. سپورتشىنىڭ ايتۋىنشا، ەكى تاراپ تاياۋدا كەلىسىمگە قول قويادى.

"كەلەسى ايدا قىتايدا جەكپە-جەك وتەدى. 10-15 كۇننىڭ ىشىندە بارلىق ماسەلە شەشىلەدى دەپ ۇمىتتەنەمىن جانە مەن سول جەكپە-جەك تۋرالى عانا ويلايمىن. جوسپارلار وسى. دەمالىس پەن ۇزىلىسكە ۋاقىت جوق. جۇمىس كوپ. جەكپە-جەكتى جەلتوقسان ايىندا وتكىزۋدى جوسپارلاعانبىز، ءبىراق ءبىر سەبەپتەرمەن ۇزارتىلدى"، - دەدى قانات يسلام.

ال كەزدەسۋ وتەتىن ناقتى كۇن تۋرالى سۇراققا ول: "ءبارى دۇرىس بولسا، 15 قاڭتاردا رينگكە ورالامىن"، - دەپ جاۋاپ بەردى. سونىمەن قاتار، ول كەلەسى جىلى قازاقستاندا جەكپە-جەك وتكىزۋى مۇمكىن ەكەنىن اتاپ ءوتتى، ول جىلدىڭ ەكىنشى جارتىسىندا ۇيىمداستىرىلۋى ىقتيمال.