قازاقستاندا ۇلتتىق «جامبى» اتۋ ويىنى جاندانباق، - دەپ حابارلايدى «قامشى» پورتالى.
استانادا «نۇر وتان» پارتياىنىڭ باستاماسىمەن ۇلتتىق ويىننىڭ ەجەلگى جاۋىنگەرلىك ونەر رەتىندەگى ەتنو-مادەني ماڭىزىن اشۋعا ارنالعان سەمينار ءوتىپ، وندا اتالعان ويىن ءتۇرىن دامىتۋدىڭ جاي-جاپسارى ايتىلدى.
كەلەر جىلى قىركۇيەك ايىندا «جامبى اتۋدان» بۋراباي قالاسىندا حالىقارالىق جارىس وتپەكشى.
ەل ىشىندە اتالعان سپورت تۇرىنەن چەمپيوناتتىڭ وتكىزىلە باستاعانىنا دا كوپ بولعان جوق. ەندى سپورتشىلاردىڭ قانداي ساداقپەن قانداي جەبە اتاتىنى، ويىن ءتارتىبى مەن ستاندارتتارى ناقتى ەرەجەلەرمەن بەكىتىلمەك. ۇيىمداستىرۋشىلاردىڭ ايتۋىنشا، «جامبى اتۋدى» سپورتتىق دەڭگەيدەن جالپى بۇقارالىق سيپاتتاعى تانىمالدىلىققا تە ەتۋدىڭ مۇمكىندىكتەرى زور.
«نۇر وتان» پارتياسى «جامبى اتۋدى» دامىتۋعا جان-جاقتى قولداۋ كورسەتەتىن بولادى جانە وسى ۇلتتىق ويىندا تانىمال ەتۋگە بارىنشا مۇددەلى، - دەيدى پارتيا ءتوراعاسى ءبىرىنشى ورىنباسارىنىڭ كەڭەسشىسى بەرىك ءۋالي.
