جامبىل وبلىستىق مەملەكەتتىك قىزمەت جانە جەمقورلىققا قارسى ءىس-قيمىل دەپارتامەنتى قىزمەتكەرلەرى جەرگىلىكتى اكىمشىلىك پوليسيا قىزمەتكەرلەرىمەن جانە جەرگىلىكتى جاستار قاۋىمداستىعىمەن بىرگە قىزمەتتىك كولىكتەردى پايدالانۋ ءتارتىبىن بۇزعان مەملەكەتتىك قىزمەتشىلەردى انىقتاۋ ماقساتىندا ەكى كۇندىك رەيد جۇرگىزدى، - دەپ حابارلايدى «قامشى» پورتالى.

رەيد ناتيجەلەرىن دەپارتامەنت باستىعىنىڭ ورىنباسارى – وبلىستىق تارتىپتىك كەڭەس ءتوراعاى عالىم تۇرسىنبايەۆ جاريالادى.ونىڭ ايتۋىنشا، بىرنەشە مەملەكەتتىك مەكەمەلەردىڭ كولىكتەرىن رەيد جۇرگىزۋشىلەر كوڭىل كوتەرۋ ورىندارىنان بايقاعان. ءبىرقاتارىنا اكىمشىلىك حاتتاما تولتىرىلعان. 

«شارا بارىسىندا ق ر اكىمشىلىك قۇقىقبۇزۋشىلىق تۋرالى كودەكسىنىڭ 612 –بابى 1ء-بولىمىن بۇزۋ بويىنشا 7 اكىمشىلىك حاتتاما تولتىرىلدى. مەملەكەتتىك قىزمەتشىلەر قىزمەتتىك كولىكتەردى جۇمىستان تىس ۋاقىتتا جول ءجۇرۋ قۇجاتتارىنسىز پايدالانعان. ماسەلەن، 7 قاراشا كۇنى تۇنگى ساعات 02.50-دە » مويىنقۇم اۋدانى اكىمدىگىنىڭ «SSan Yong Kyron» ماركالى قىزمەتتىك كولىگىن تاراز قالاسىندا جول پوليسياسى توقتاتتى. قۇجات تەكسەرۋ كەزىندە جۇرگىزۋشىدە جول قۇجاتتارى بولمادى. سونىمەن قاتار، وبلىستىق توتەنشە جاعدايلار دەپارتامەنتىنە تيەسىلى «ۆاز-21310» كولىگىنە قاتىستى دا اكىمشىلىك حاتتاما تولتىرىلعان»، - دەيدى تارتىپتىك كەڭەس ءتوراعاسى.