جۇڭگو حالىق بانكى دۇيسەنبىدە اقش دوللارىنا يۋان باعامىن (دوللارىنا 6، 4495 يۋانعا دەيىن) تومەندەتتى، دەلىنگەن جۇڭگو ۆاليۋتالىق ساۋدا جۇيەسى (CFETS) سايتىنداعى حابارلامادا.

وسىلايشا، جۇڭگو ۆاليۋتاسى 137 تارماققا نەمەسە 2 پايىزعا - 2011 جىلعى شىلدەدەگى دەڭگەيگە دەيىن ارزاندادى. يۋاننىڭ ارزانداۋى 2014 جىلعى جازدا باستالدى، ەڭ كۇرت تومەندەۋ 2015 جىلعى تامىزدا ورىن الدى - يۋان ءۇش كۇن ىشىندە 2، 813 تارماققا نەمەسە 4،6 پايىزعا قۇلدىرادى، دەپ اتاپ وتەدى ريا نوۆوستي.

دوللارعا قاتىناسى بويىنشا يۋاننىڭ ورتالىق پاريتەتتىك باعامى ءار جۇمىس كۇنى بانكارالىق نارىقتىڭ اشىلۋىنا دەيىن ماركەتمەيكەرلەر ۇسىنعان ورتاشا ولشەمدى باعاعا نەگىزدەلەدى.

جۇڭگو ۆاليۋتاسى 2005 جىلى جازدا نىعايا باستاعانعا دەيىن دوللارىنا 8،3 يۋانعا جۋىق تۇراقتى بەلگىدە ۇزاق تۇردى. 2008 جىلعى  كۇزدەن باستاپ يۋان جىلعا جۋىق 6،8 دەڭگەيىندە ۇستالدى - 2009 جىلعى قىركۇيەكتە قايتا وسە باستادى.

حۆق اتقارۋشى كەڭەسى 30 قاراشادا ءيۋاندى 2016 جىلعى 1 قازاننان باستاپ دوللار، ەۋرو، فۋنت سترەلينگ جانە يەن كىرەتىن SDR قورجىنىنا ەنگىزۋ شەشىمىن قابىلدادى. قور شەشىمى حالىقارالىق ساراپشىلار مەن تالداۋشىلاردىڭ كۇتكەنىمەن سايكەس كەلدى، ولار جاھاندىق ساۋدادا قىتايدىڭ ءرولىن تانۋ قاجەتتىگىن ايتقان بولاتىن.