بەس سەريالى بۇل كوركەم فيلم اتى اڭىزعا اينالعان ديريجەردىڭ 90 جىلدىعىنا ارنالعان. باستى رولدەردە ەرگەنباي ابۋيەۆ، گۇلناز جولانوۆا، سانجار مادييەۆ سىندى اكتەرلەر وينايدى. بۇل تۋرالى «قامشى» پورتالى قازاقپاراتقا سىلتەمە جاساپ حابارلايدى.

ءفيلمنىڭ «حابار» ارناسىنداعى تۇساۋكەسەرى 15 جەلتوقساندا كەشكى ساعات 21.30-دا بولادى. جوبا تاۋەلسىزدىككە تارتۋ رەتىندە «حابار» اگەنتتىگىنىڭ تاپسىرىسى بويىنشا تۇسىرىلگەن، دەپ حابارلانعان تەلەارنا سايتىندا. 
«فيلم نۇراعاڭنىڭ ەڭ قيىن شاعى - «وتىرار سازىنىڭ» دۇنيەگە كەلۋىنەن باستالادى. مەن ول كىسىگە ءوز باسىم ۇقسايمىن، ءتىپتى ءدال وسىندايمىن دەپ ويلامايتىنمىن. ءبىراق مىنەزىمىزدىڭ ۇقساستىعىن بىلەتىنمىن. سول مىنەزىم ارقىلى رەجيسسەردىڭ تاڭداعانىن ءتۇسىندىم»، - دەيدى نۇرعيسا تىلەندييەۆتىڭ ءرولىن سومداۋشى اكتەر ەرگەنباي ابۋيەۆ.