قازاقستان-قىتاي ىسكەرلىك كەڭەسىنىڭ 3ء-شى وتىرىسىنىڭ قورىتىندىسى بويىنشا 10 ميلليارد دوللاردىڭ كەلىسىمىنە قول قويىلدى، - دەپ حابارلايدى «قامشى» پورتالى Primeminister.kz-كە سىلتەمە جاساپ.

ونىڭ ىشىندە "قازاقتەلەكوم" اق مەن China Telecom Global Limited اراسىنداعى ىنتىماقتاستىق تۋرالى مەموراندۋم؛ "قازمۇنايگاز" ۇك" اق مەن "Sinopec" كورپوراسياسى اراسىندا ءوزارا تۇسىنىستىك مەموراندۋمى؛ "Kazakhstan Petrochemical Industries، Inc" ج ش س مەن China National Chemical Engineering Co. Ltd اراسىندا اتىراۋ وبلىسىندا ينتەگراسيالانعان گاز-حيميا كەشەنىن سالۋ جوباسى بويىنشا ەرس-كەلىسىمى؛ ءتۇستى مەتاللۋرگيا (مىس ءوندىرۋ) يندۋستريالىق پاركى جوباسى بويىنشا "Central Asia Gold corporation" ج ش س مەن Shenyang Lianli Copper كومپانيالارىنى باسشىلارى قول قويعان مەموراندۋم بار.

كەلىسىمشارتتار ق ر پرەمەر-مينيسترى كارىم ءماسىموۆتىڭ قىتايداعى ساپارى بارىسىندا جاسالدى. "ەلدەرىمىزدى جاقىنداستىراتىن بىرنەشە ماڭىزدى باعدارلامالار بار. ءبىرىنشىسى - قحر ءتوراعاسى سي ءسزينپيننىڭ 2013 جىلى قازاقستانعا ساپارى بارىسىندا جاريالاعان "ءبىر بەلدەۋ - ءبىر جول" باعدارلاماسى. ەكىنشىسى - ق ر پرەزيدەنتى نۇرسۇلتان نازاربايەۆتىڭ "نۇرلى جول" باعدارلاماسى. وسى ەكى باعدارلاما ءبىرىن-بىرى تولىقتىرادى دەپ ەسەپتەيمىز. ىسكەرلىك كەڭەس پەن كاسىپكەرلەرىمىزدىڭ تابىستى قىزمەتى وسى ەكى باعدارلامامەن بايلانىستى"، - دەدى كارىم ءماسىموۆ.

سونىمەن قاتار، ول وتكەن جىلدىڭ جەلتوقسانىندا قحر مەملەكەتتىك كەڭەسى پرەمەرى لي كەسياننىڭ استاناعا ساپارى بارىسىندا ىسكەرلىك كەڭەستىڭ كەزەكتى وتىرىسى وتكەنىن ەسكە سالدى. "وندا ونەركاسىپتىك قۋاتتىلىقتاردى قىتايدان قازاقستانعا كوشىرۋ باعدارلاماسى تۋرالى تۇبەگەيلى شەشىم قابىلداندى. ءبىر جىل وتكەن سوڭ وسى باعدارلامانىڭ ءتيىمدى جۇمىس جاساپ جاتقاندىعىن كورىپ وتىرمىز. بۇگىن ىسكەرلىك كەڭەس اياسىندا جانە ەرتەڭ قحر مەملەكەتتىك كەڭەسى پرەمەرىمەن كەلىسسوزدەر قورىتىندىسى بويىنشا ناقتى كاسىپورىندار قۇرۋ تۋرالى قۇجاتتارعا قول قويىلادى"، - دەدى ۇكىمەت باسشىسى.

 «قامشى» سىلتەيدى