الماتى وبلىسىندا جوعالعان ايزادا اۆلاتاروۆانىڭ اعاسى مەن ءسىڭىلىسى ۇلتتىق ۇلان ساربازدارىنا العىستارىن ايتتى، - دەپ حابارلايدى «قامشى» پورتالى ۇلتتىق ۇلان «وڭتۇستىك» وڭىرلىك قولباسشىلىعى باسپا ءسوز قىزمەتىنە سىلتەمە جاساپ.

بۇگىن قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعىندا تاۋەلسىزدىك كۇنىنە ارنالعان سالتاناتتى شارا ءوتىپ، وندا ءبىرقاتار ۇزدىك جاۋىنگەرلەر ماراپاتتالدى.

ماراپاتتالعانداردىڭ ىشىندە الماتى وبلىسى ىلە اۋدانى جەتىگەن كەنتىنەن شىعىپ بارا جاتىپ جوعالىپ كەتكەن 20 جاستاعى ايزادا اۆلاتاروۆانى تابۋعا ۇلكەن سەپتىگىن تيگىزگەن اسكەري قىزمەتشىلەر دە بار. ولارعا «وڭتۇستىك» وڭىرلىك قولباسشىلىعىنىڭ قولباسشىسى الىبەك سەرالييەۆ ەرەكشە قۇرمەت كورسەتىپ، قاتارداعى جاۋىنگەرلەر نۇرجان تىلەۋحان مەن بيبول بينۇروۆقا تۋعان جەرىنە 10 كۇن دەمالىس جاريالاسا، «زەرون» اتتى يتپەن جۇمىس جاسايتىن كينولوگ ارمان الىمبەتوۆ پەن جاساق جەتەكشىسى رۋسلان سەردالينوۆتى «ۇلتتىق ۇلان قىزمەتىنىڭ ۇزدىگى» كەۋدە بەلگىسىمەن ناگرادتاۋ ءۇشىن ۇلتتىق ۇلان باس قولباسشىسىنا جەدەلحات جولدادى.

سالتاناتتى ءىس-شاراعا ايزادا اۆلاتاروۆانىڭ اعاسى توكتييەۆ رۋسلان ياكيموۆيچ پەن ءسىڭلىسى گۇلزارا ارنايى كەلىپ، ايزادانى تابۋعا ۇلكەن كومەگىن تيگىزگەن اسكەري قىزمەتشىلەرگە ۇلكەن راحمەتتەرىن ايتتى جانە العىستارىنىڭ بەلگىسى رەتىندە وزدەرىمەن بىرگە ۇلاندىقتارعا ارناپ «ۇيعىر ءبيىن» الا كەلدى.  

«شيرەك عاسىرعا جۋىق ۋاقىت ىشىندە تاۋەلسىز ەلىمىز – قازاقستان رەسپۋبليكاسى  ەكونوميكالىق، الەۋمەتتىك قۋاتتى رەفورمالاردى جەدەل دە ءتيىمدى ىسكە قوسىپ، قاي سالادا دا تمد ەلدەرى ىشىندە كوشباسشى اتاندى. ءبىز، بۇل جەتىستىگىمىزگە ۇلت پەن ۇلىستىڭ تاتۋلىعى، دەموكراتيانىڭ بەرىك نەگىزدەرى مەن وتانداستارىمىزدىڭ جانقيارلىق ەڭبەگى سونداي-اق، ەلىم دەگەن ەسىل ەرلەردىڭ ەرەن ەرلىكتەرى ارقاسىندا قول جەتكىزدىك.

قازاقستان رەسپۋبليكاسىنىڭ ۇلتتىق ۇلان اسكەري قىزمەتشىلەرى وزدەرىنىڭ وتان الدىنداعى اسكەري بورىشتارىن ادال اتقارا ءجۇرىپ، مەملەكەتىمىزدىڭ ەگەمەندىگىنىڭ نىعايۋى جولىنا قىرۋار  ۇلەس قوسۋدا. تاۋلىكتىڭ كەز كەلگەن ۋاقىتىندا قوعامدىق ءتارتىپتى ساقتاۋ، ستراتەگيالىق ماڭىزدى مەملەكەتتىك نىسانداردى كۇزەتۋ، سونىمەن قاتار اسا ءقاۋىپتى قىلمىسكەرلەردى ۇستاۋ بويىنشا جاۋىنگەرلىك مىندەتتەردى ورىنداپ ءجۇر.  سونىڭ ارقاسىندا ۇلاندىقتار كۇشتەر قۇرىلىمدارىندا وزدەرىنىڭ لايىقتى ورىندارى مەن باعاسىن الۋدا» دەلىنگەن باسپا ءسوز قىزمەتى تاراتقان حابارلامادا.