ساۋد ارابياسىنىڭ عۇلامالارى ەكسترەميزم، لاڭكەستىك وقيعالار مەن زورلىق-زومبىلىق كورىنىستەرىن قاتاڭ تۇردە سىنايدى. بۇل تۋرالى قازاقستانداعى ساۋد ارابياسى ەلشىلىگى تاراتقان اقپاراتتا ايتىلعان.
«ساۋد ارابياسىنىڭ عۇلامالارى ەكسترەميزم، لاڭكەستىك وقيعالار مەن زورلىق-زومبىلىق كورىنىستەرىن قاتاڭ تۇردە سىنعا الىپ، ولاردىڭ يسلام ءدىنىنىڭ تولەرانتتىق نەگىزدەرىنە تۇبەگەيلى قاراما-قايشى ەكەندىگىن ايقىندايدى. كورولدىك عۇلامالارى لاڭكەستىك ارەكەتتەردىڭ قاسيەتتى قۇران كارىم ماتىندەرى مەن مۇحاممەد پايعامباردىڭ سۇننەتىنە قاراما-قايشى كەلەتىنىن جەتكىزەدى. ال بۇل ەكى قاينار بۇلاق ساۋد ارابياسى كورولدىگىنىڭ كونستيتۋسياسى بولىپ سانالاتىنىن ايتا وتكەن ءجون»، - دەلىنگەن حابارلامادا.
سونىمەن قاتار حابارلامادا كورولدىك «ال-كايدا» مەن «دايش»سىندى لاڭكەستىك ۇيىمداردىڭ لاڭكەستىك ارەكەتتەرىنەن سوناۋ 1995 جىلدان بەرى زارداپ شەگىپ كەلە جاتقانى جانە دە ولارمەن قاۋىپسىزدىك، ويشىلدىق-فيلوسوفيالىق تۇرعىسىنان، سونداي-اق قارجىلاندىرۋ نەگىزدەرىن كەسۋ ارقىلى بارىنشا كۇرەسىپ كەلە جاتقاندىعى ايتىلعان. كورولدىك لاڭكەستىكتىڭ تارالىپ، حالىقارالىق دەڭگەيدە كورىنىس تاباتىنىن سەزىپ، بۇكىل الەمدى ودان ساقتاندىرۋ قاجەتتىلىگىن ەسكەرتە وتىرىپ، لاڭكەستىكپەن كۇرەسۋ جولىندا حالىقارالىق كۇش-جىگەردى بىرىكتىرۋ ۇشىنەرەن ەڭبەك اتقاردى.
اتالعان ماسەلەگە قاتىستى 2005 جىلى ەر-رياد قالاسىندا حالىقارالىق ىنتىماقتاستىقتى كۇشەيتۋ ماقساتىندا قاۋىپسىزدىك سالاسىنىڭ ماماندارى دەڭگەيىندەلاڭكەستىككە قارسى العاش حالىقارالىق كونفەرەنسيا وتكىزۋ باستاماسىن ۇسىندى. سونىمەن قاتار، بۇۇ-نىڭ قولداۋىمەن ءارى 110 ملن. دوللار كولەمىندەگى قارجىلاندىرۋىمەن لاڭكەستىككە قارسى دۇنيەجۇزىلىك ورتالىعىنىڭ قۇرىلۋىنا بار كۇش-جىگەرىن جۇمسادى. كورولدىك «لاڭكەستىككە قارسى» تاقىرىبىنداعى قانداي دا ءبىر كونفەرەنسيا بولسىن، حالىقارالىق باستاما بولسىن، ءبىرىن دە ەلەمەي قالعان ەمەس.
كورولدىك سيريا مەن يراكتاعى داعدارىس جاعدايىن، سونداي-اق لاڭكەستىك كورىنىسىنىڭ كەڭ ەتەك جايىپ كەلە جاتقاندىعىن ەسكەرتە وتىرىپ، «دايش» لاڭكەستىك ۇيىمىن جەڭۋدىڭ بىردەن ءبىر جولى - سيرياداعى داعدارىس جاعدايىن ساياسي جولمەن، يراكتا قاجەتتى رەفورمالاردى جۇرگىزۋ ارقىلى عانا شەشۋگە بولاتىنىن جەتكىزگەن.
ساۋد ارابياسى سيريا مەن يراكتاعى «دايش» لاڭكەستىك ۇيىمىنا قارسى اسكەري كواليسيانىڭ نەگىزىن قالاۋشى ەلدەردىڭ ءبىرى بولىپ تابىلادى. كورولدىك اتالعان ۇيىمعا قارسى اسكەري ناۋقانعا ۇلەس قوسۋىن جالعاستىرۋدا.
پىكىر قالدىرۋ