قازاقستان رەپۋبليكاسىنىڭ ۇلتتىق بانكى قازاقستاننىڭ ۆاليۋتا باعامىندا قالىپتاسقان جاعدايعا تۇسىنىك بەردى، - دەپ حابارلايدى «قامشى» پورتالى ۇلتتىق بانك سايتىنا سىلتەمە جاساپ.

ۇلتتىق بانك سايتىندا ەلدىڭ ۆاليۋتا نارىعىنداعى جاعدايعا بايلانىستى حابارلاما ورنالاستىرىلعان. وندا تەڭگەنىڭ ايىرباس باعامى الەمدىك قارجى، تاۋار نارىعىنداعى جاعدايعا جانە ىشكى نارىقتاعى شەتەل ۆاليۋتاسىنا سۇرانىسقا بايلانىستى قالىپتاسىپ وتىرعانى ايتىلعان.

«2014-2015 جىلدارداعى مۇناي باعاسىنىڭ تومەندەۋى تولەم بالانسىنىڭ ناشارلاۋىنا، سول ارقىلى ىشكى نارىقتاعى تەڭدىكتىڭ بۇزىلۋىنا الىپ كەلدى. 2015 جىلعى Brent ماركالى مۇناي باعاسىنىڭ 44،4 دوللاردان 37،8 دوللارعا، ياعني 15 پايىزعا ارزانداۋى ايىرباس باعامىنا قوسىمشا قىسىمعا الىپ كەلدى» دەلىنگەن وندا.

سونداي-اق، ۇلتتىق بانك ىشكى نارىقتاعى تەڭگە باعامىنىڭ قىسقامەرزىمدى تولقۋىن رەتتەۋگە قاتىساتىنىن، الايدا، شەتەلدىك ۆاليۋتاعا سۇرانىس پەن ۇسىنىستى انىقتاۋشى ىرگەلى فاكتورلاردىڭ ىقپالىنا كەدەرگى ارالاسپايتىنجىعىن ايتىلادى.